شرب الحلبه مع العسل مفيد وبعدين فيه حاجه كثير من الحوامل ماينتبهون لها انا عندي خمس اطفال والحين داخل شهري له اسبوع وكل من سالني كم شهر اقول الثامن بنيتي اني خلصت الثامن يعني توريه مو كذب والله عانيت من عيون الناس كنت في ولاداتي الاولات من يدخل شهري الناس يبدون يحتروني كاني على رووسهم ماعندهم سالفه الا ماولدتي تاخرتي وكانت ولاداتي تتعسر واعوشر بعد بحملاتي الاخيره صرت ماعلم ابد حتى امي ماخذها معاي اصلا وش راح تسوي بس ارهقها واتعبها معاي المهم ولادتي صارت اسهل ماشاء الله وبسرعه ماطول ولادتي الاخيره رحت مع زوجي للمستشفى وكان فترة اختبارات وقلت لعيالي اني رايحه اصلح في المدرسه وعادي ماحد دري عني الا زوجي لما ولدت دقيت على امي من غرفة الولاده وعلمتها معلش طولت عليكم انصح كل وحده تاخرت ولادتها تشرب زمزم مقري عليه ولو تتروش فيه مع سدر احسن طبعا مو في الحمام بطشت في المطبخ وتكبه بعدين في الحوش او الزرع وتدهن بطنها بزيت مقري عليه ولو جسمها كله احسن وتاخذ معها للمستشفى ضرورى الماء والزيت تخليه في شنطتها من بدري راح تحتاجه وتعطي غيرها اللي بالمستشفى تكسب اجرهم وتحاول ان ماحد يدري لها ابدا او بس اللي يروح معاها اذا هي خوافه واللي ماعندها قرايه في قناة بدايه تسال بالشات يوزع مجانا من الشيخ عبد العزيز السدحان وين ماتكونين ياصلك دعواتكم الله يرزقني بطفل سليم معافى وهادي

اقول معطيتني موعد على اليوم 5شوال انه موعد ولاده

وانا اصلا معترضه كل من قالت لي بتولدين في 5 شوال يعني اخر شيء لي 5

اقولها من يقوووووووووول اصلا انا بولد قبل خخخخخخخخ

وهذا اليوم 5شوال وجالسه اوسوس كل شوي رايحه اشوف كان نزل شيء ولا لا؟؟

وبعض الاوقات احس ابي اولد وبعض الاوقات لا

بس ترى انا ماامشي وذاك نادر

ولا شربت شيء

يعني مدري بولد وانا ماسويت هالاشياء ولا بطوووووول

؟؟؟؟؟؟؟خخخخخخخخخخخخ

الله يهون عليكم

ويبعد كل شر عن الاجنتكم

ويسهل حملنا وحمل كل حامل ان شاء الله

اي ليون انا من ناحية المستشفى مااحب اعلم احد

في ولادتي ببنتي ماعلمت بس في ناس فهمو وفي ناس شافو زوجي في المستشفى

بس حلفتهم مايعلمون احد

بس من ناحية الشهر انا قبل ماادخل شهري اقولهم انا في هاليوم الفلاني بدخل شهري

والدكتوره تقول حسابها كذا والسونار يقول حسابه كذا بالتفصيل الممل

اي احد اقووووووووله على هالموعد

ان شاءلله المره الجايه في الحمله الجايه باخذ احتياطي

بس على سالفة المستشفى يقول لي زوجي قبل كم يوم ليه ماتبين تعلمين

معتقدات خرابيط المفروض تعلمين عشان يدعووووون لك وانا طبعا مو مقتنعه

لاني احس ماله داعي يعرفون دعوة الحامل افضل من دعوتهم خخخخخخخ

وفي الوقت بيضيق صدرهم وبتنسد نفسهم عن الاكل وبتحترق اعصابهم

شالفايده اقولهم خخخخخ

والله زوجي هالمره بالذات معصب علي يقول كله منك ما ضل احد ما قلتي له انك حامل وانك بتولدي برمضان
انا بصراحه ما حد درى عني بسرعه اهلي الا هم اهلي ما درو عني الا وانا في الرابع
وبزواج اختي كنت بالسابع بقية الناس عرفو صرت ذاك اليوم حدث الموسم والله شكلهم مستغربين اني حامل بصراحه خفت على نفسي
والكل يدري اني بولد برمضان وكل يوم يسالوني
والله يحرسنا ويحفظنا ويعطينا على قد نيتنا :(