الي راحو ماليزيا يتفضلوون

هلا حبيبتي مناكير ناشفه
انا السنه اللى راحت رحت انا وزوجي لماليزيا ومدة سفرتنا كانت ثلاث اسابيع
وحجزنا عند مكتب الفريحي بصراحه اسعارهم حلوه وارخص من الطيار
وكلفتنا الرحله كلها 30000 تقريباً وترا احنا مبذرين مررررررررررررررررررره وعقباً لتبذيرنا ماسافرنا لشي السنه هذي :(
واذا كنتى انتي مسافره انتي وزوجك بس ماعندي اطفالك انصحك بحجز فيلا في فندق صن واي لاقون
في سلانجور حلوووووووووووو مره
وهذي صور للفيلا








هذي صوره لمسبح خاص فيكم داخل الفيلا


واحنا كنا لما نرجع من برا نحصلهم جايين ومغيرين الفراش ومنظفين الغرفه ومولعين شموع زي هذي


هذي جلسه برا الغرفه

وبالنسبه للاسواق الصينينه فيه موجود عندك اشكاك صينيه في بينانج قريبه من فندق جولدن ساندز
وعندك اسواق صينيه في كولالمبور
واي استفسار انا حاضره

للرفع

مشكووووووووووووره خيتوو
قشعه
وياليت يالغلاء
تعلميني يعني المكتب الي حطلكم البرنامج ولا انتم اختارتووو

<<<<<<< تعرفين داجه مهي داريه عن الدنيا
ايه بس انا وزوجي عيالي بحطهم عند اهلي
وبصرااحه الصورر مره روعه شوقتيني احجز فيها ان شالله
وناااااااااااااااااااااااسه

وياليت يالغلاءقشعه بعد تعلميني المكتب كم اخذ منكم
وكم صرفتي في السووق <<< يحبي لسووق ههههههههههه

ومشكووره خيتوو نجحو انك رفعتي المووضووع

حبيبتي احنا اللى سوينا البرنامج ورحت لمكتب وحجزت الفنادق والتذاكر وتذكرت السفر من كوالالمبور الى لنكاوي ومن لنكاوي الى بينانج
والمكتب اللى حجزنا عنده اسمه الفريحي اسعاره ارخص من الطيار ،، والظاهر اخذ منا 14000 على التذاكر وحجز الفنادق بتأكد من زوجي واقولك ،، وصرفيتنا في التسوق مو كثير يمكن 6000 لاني مااشتريت شي كثير وبضاعتهم مقاربه لبضاعتنا ونفس اسعارنا
وهذا برنامجنا اذا حابه تقتبسين منه
http://www.7mbc.com/up/upc8/7mbc_569251108.rar

callnouf ايه هذي صور الفيلا اللى في صن واي لاقون وفي الطبيعه بعد احلى صراحه بدون مبالغه شي خيال وسعر الليله فيها مايتعدى 1400 ريال
وبالنسبه لاختيار الفنادق اللى حطيتيها ماادري حجزتي ولا لسى لكن بقولك رايئ

((*كوالالمبور Sunway Lagoon-الفندق : Pyramid Tower-نوع الغرفة : Superior)) انصحك تبدلينها بالفيلا بدال السوبرور لانها فرق بشكل كبير

((*لنكاوي -الفندق : Langkawi Lagoon)) فندق بلانجي بيتش افضل لاني جربت الفندقين

((* بينانغ-الفندق : Mutiara Hotel)) احسها بعيد ومعزول عن العالم وبعيد مره عن الاكشاك الصينيه وغرفه عاديه عندك فندق شنقريلا يجنن بس ماسكنا فيه لانه كان وقت سفرتنا مغلق لصيانه
واحنا سكنا في جولدن ساندز وحلو في ناس وحركه خصوصاً وقت الفطور ممتع جداً

((*كاميرون هايلاند-الفندق : Equatorial Hotel))
نصيحه لوجه الله اكواتريال لا وععععععععععععععععع وغرفهم تجيب الهم كانك ساكنه فندق بالبطحاء الثلاثه ايام اللى سكناها جانا اكتئاب لان المدينه مافيها شي ابدا وتظطرين تجلسين في الفندق لازم يكون شي حلو واكوتريال يجيب المرض ووصخ وكل شي انا انصدمت فيه لانهم في العرب المسافرون مادحينه لى ،، انصحك تبدلينه بفندق اسمه سموك هاوس يقولون انه افضل من هذا حتى فطورهم احلى لانه حنا تبهذلنا في الاكل مطعم اكواتريال يحوم الكبد تدرين وش سوينا رحنا لسوبر ماركت وجبنا لنا توست وجبن وشكولاته نيوتلا وبيبسي وجلسنا طول الوقت نأكل منهم :(

((*جنتنغ هايلاند-الفندق : Genting Hotel)) ماسكنت فيه بس انه افضل من اللى سكنا فرست وورلد اللى سكنا فيه

((*ملكا-الفندق : Renaissance Hotel-نوع الغرفة : Superior Room))
ملكا ماسكنا فيها رحنا لها زياره من الساعه 10 صباحاً الى 10 مساء وفنادقها حلوه لكن يمدحون الفيلا اللى بمسبح خاص

((*كوالالمبور-الفندق : Micasa All Suites)) مااعرفه صراحه هذا الفندق احنا سكنا في ماريوت وحلو مررررررررررررررررره وميزه انه على شارع العرب يعني قريب من المقاهي والمجمعات التجاريه ،، واذا تبين فندق كشخه عندك المندرين جنب البرجين klcc لكنه بعيد عن شارع العرب