الي راح اسويه صح او غلط؟؟؟؟

السلام عليكم بنات شلونكم
راح ادخل في الموضوع على طول انا مخطوبه صارلي فتره وعمري 21 يعني كلش ماعندي خبره وامي ماكانت راضيه على الزواج واخاف اقولها الي صاير وتلومني


انا بنت خالتي مره قالت لي فتشي تلفون خطيبج بس انا اطنشها وماسمع لها لان يحبني ويموت فيني ومستحيل يخوني ومو مقصر معاي ولا بشي ومدلعني اخر دلع
ولا انا الي مقصره معاه بشي كلش مو مقصره ودايمن احرص واساله اذا كان مرتاح معاي ومستانس واذا في شي مو عاجبه
واهو صريح وانا احب صراحته لان شي في مصلحتي

المهم
قبل العيد بيوم رحنه انا وياه السعوديه وسكر الارسال وخله تلفونه بشنطتي وتذكرت كلامه وفتشت تلفونه وجفت محادثه له مع بنت عمته وانصدمت يغازلها ويحط لها بوسات واهي بعد واتقوله حياتي ويقولها ليش ماتجين بيت جدي من زمان ماجفناج وحشتيني ووحشتي نورة تسال عنج >>> يجذب باسمي

المهم انا سكت وبجوف اخرتها ولوين بيوصل الكلام


المشكله مااقدر ارد افتش التلفون الا لما يدخل الحمام مايترك التلفون كلش ولما يتركه اكون قاعده مع بيتهم او بيتنه

بس من كم يوم فتشته وجفت له محادثه مع بنات ضايفهم على البيبي وكلام كلش ماينقال يوصف اجسام ويطرشون له صورهم بنات ابليس

مو عارفه شنو اسوي اواجهه او لا
انا مابي يعرف اني فتشت تلفونه لاني اعرفه بيقلب السالفه علي وبيطلعني انا الغلطانه لاني فتشت تلفونه وبياخذ السالفه صراخ

ابي اقوله اني اعرف بسوالفه بس بدون مايعرف اني فتشتت مو عارفه شلون

ولين اقوله عطني تلفونك بستخدمه يقولي لحظه ويقعد يمسح كلشي

فكرت مافي احسن من الصراحه والي بسويه خلي يسويه بس ماضمن ردت فعله انا ابي الغلط كله عليه ومافي مجال ان يقلب السالفه علي

وللعلم هاي المره الثانيه المره الاولى وحده عرفته ان خطيبي وقالت لي وراوتني حادثاته وياها وشلون يتنقرش فيها
وقلت له وقال ان اهي الي تكلمه واتلصق فيه وانا الغبيه صدقته وجذبت البنت واحين حدي ندمانه

وقلت دامني على البر اقدر انفصل عنه ونفس الوقت اقدر احل المشكله بدون مانفصل واسوي مشاكل اكبر


ابي احد فاهم اكبر مني يقولي شلون اتصرف
لان مستحيل اتم ساكته عن الموضوع

اواجهه واقوله فتشت تلفونك عمدا ؟؟؟