الي راعيه فزعه تدخل مااقدر اشقؤ حواجبي اعطوني حل ثاني

هلاا حبيبتي
عادي نفسي انا اول مووضوع اكتبه بالمنتدي محد رد علي لو بدعوووه وانصدمت حيييل وتغيرت نضرتي بالمنتدي بكل صراحه
وعلي سالفه حواجبج الحين موضروري تشقرين في عجينه للحووواجب تخفين الشعر اللي ماتبينه وترسميين الحاجب القلم ويطلع كانه محفوف ****لله اني فدتج

مشكوره حبيبتي العجينه كانت غايبه عن بالي لاكنك افدتيني مشكوره ياعمري لاكن احتمال ما احصلها لو ماحصلتها برايك شنو البديل

اختي هذه طريقه فارسة حواء ممكن ان تستفيدي منها



االسلام عليكم ورحمة الله وبركاته
أخواتي المحترمات بنات عالم حواء..
تحية عطره لجميع من دخل وقرأ موضوعي ..

بصراحه لاحظت كثييييير من خواتي بعالم حواء يسألون عن طريقة تشقير الحواجب فحبيت أخصص لكم هذا الموضوع أكتبلكم طريقتي في التشقير وأسرارها خصوصا وأننا مقبلين على موسم أفراح ولازم تتعلمون تشقرون بنفسكم والطريقة هذي تعلمتها من كوفيرة مغربية كانت تسويها ليه بصراحه تخلي حواجبك كأنك حافتها وهذي الطريقة بتخليك تستغنين عن الروحه للكوفيرات وتعتمدين على نفسك وتكونين حرة نفسك بتحديد معالم جمالك وطبعا أنا مانزلت الموضوع الأ بعد ماتأكدت من بعض البنات أن المشايخ أفتوا بجواز التشقير والله أعلم ..
الطلبات هي..
فرشاة حواجب للتمشيط + قلم كحل اسود + وثاني ابيض للتحديد ..
صبغة كلستون بني غامق للبنات اللي شعورهم شقراء..
صبغة الطاؤؤس أومايسمى دجى الليل للبنات اللي شعورهم سوداء..
كريم سودوأومرهم كينا كومب (يستخدم بعد التشقير ألتهابات والتحسس والندوب)..
BLONDORمن ويلا
WEIIOXON بيروكسيد مثبت مع الاعشاب بقوة 9%30

الطريقة ..
وهي تجيبين BLONDORمن ويلا مقدار ملعقة وحده
نضيف لها ملعقتين من WEIIOXON بيروكسيد مثبت مع الاعشاب بقوة 9%30
طبعا لكل ملعقة من بلوندر نضيف ملعقتين من بروكسيد WEIIOXON
نخلطها ألين نحصل على مزيج زي الكريم وتخلينها على جنب ..
وترسمين حواجبك بالقلم الكحل الأسود الرسمه اللي تعجبك ونحدد بالقلم الأبيض الشعر والحدود اللي نبي نشقرها وممكن نستخدم كونسيلر كمخفي للشعر اللي بنشقره ويحدد لنا الحواف للحاجب..
وبكذا راح نعرف الشعر اللي راح نشقره وشكل الحاجب كيف بيطلع معانا راح تكون النتيجة واضحة لنا ..
ونبدأ نجيب السودو كريم أو مرهم كينا كومب وندهن الحواجب والمنطقة المحيطة بها علشان ماتتحسس البشرة بعد التشقير وتطلعنا ندوب ..
بعدهــــــا تاخذين مزيج التشقير اللي جهزناه من ويلا والبروكسيد ونحدد الشعراللي نبي نشقره حواف الحاجب يعني بأبره خياطة كبيرة لأن رأسها مدبب ويساعد أو بأعواد الثقاب أوأعواد الأذاني القطنية أنا أرتاح أكثر بأبرة كبيرة تعطيني نتايج ممتـــــــازة ..
بعدين نخلي المزيج لمدة نصف ساعه ونشوف لوتشقر نزيله ونمسح الحواجب بأسفنجة أوقطنة مبلولة بالمياه وبعدين نغسلها بالمياه وبعدين نمسحها بالمناديل وندهنها مره ثانيه بطبقة من مرهم كينا كومب أو سودو كريم على خفيف مانكثره كمية قليلة جدابس اللي نمسحه فقط..
وبعدين اللي شعرها أشقر تمزج صبغة كلستون البني الغامق مع بروكسيده كمية قليلة فقط لرسم الحواجب..
واللي شعرها أسود تمزج صبغة الطاؤؤس أومايسمى دجى الليل بالماء كمية قليلة اللي تمزجه بس ..
وبعدها نحدد الحواجب باللون المناسب لنابأبرة كبيرة أو عود ثقاب أو عود الأذاني ونخليه 15 دقيقة ونزيله بقطنة مبلولة بعدين نغسلها ..
وبكذا أنتهينا والحمدلله ..
واللي تبغى تشقر الشنب أو الوجه أو الجسم تستخدم نفس طريقة مزيج البودرةبلوند ويلا ملعقة مع ملعقتين من بروكسيد WEIIOXON ولوماتستحملين التشقير على جسمك يعني يتحسس أضيفي ملعقة حليب أبو قوس أو حليب بوني السائل للتشقير وماراح يحرقك وراح يبيضك أكثر ..هذي بالنسبة للطريقة الأولى للتشقير والثانية راح تكون بالجولان سأذكرها في سياق الموضوع للي يحبون يشقرون بالجولان تابعوني ..

.............................. .............................. .............................. .............................. ...

وبكذا نكون أنتهينا ..

وبرأي طريقة التشقير أفضل وأولى لنا ياأخواتي ...( لأنه لعن الله النامصه والمتنمصه )):) :26:
وأن شاء الله طريقتي هذي تكون واضحه لكم ولاتنسوني من دعائكم أخواتي الكريمات ..
مع تحياتي لكم ((أختكم فارسة حواء))..:26:

السلام عليييكم ورحمة الله وبركاته

في والله بودره للحواجب حلووه كثيير وتحلفييين ان هذي حواجبك الحقيقيه
وفي عجينة الحواجب
لكن البودره تخليك ترسمينها ومررااا حلووه والله
مع اني ماجربتها بس اعرف وحده قابلتها قالت لي عنها
واتوقع توجد في وجوه
بالتوفيق لك

عهود وش اسم البودرة