السلام عليكم ورحمة الله وبركاته
حبيت اسلم عليكم بعد ما رجعنا البلد بالسلامه
واتمنالكم قضاء فترة غربه ميسره باذن الله ويهون علىكم ويرجعكم بالسلامه وفعلا ما فيه احلى من لمت الاهل الغاليين
حبيت انصحكم بشغله طرت على بالي وبما اني توني ماره فيها ان شاء الله تستفيدون منها
بالنسبه لي قبل لا اسافر وبحوسة الضب والتعزيل قلت ابي اشحن الاغراض الي ابيها لاني ما بيها تثقل علي وقت السفر لانه احنا بره العاصمه والسالفه فيها تكاسي وقطارات او رحلات داخليه وما لنا خلق نتبهذل خصوصا انه ما عندك حمالين يشيلون عنك الشغل والثقل المهم فرزت اغراضي وقلت ابد ما عندي الا شنطتين لي وللاولاد وواحده للخادمه وواحده لزوجي يعني 4 شنط بس والباقي كله في الشحن الجوي نبعثه من مدينتنا وصار ... كل الاغراض انبعثت بالشحن قبل سفرنا ب 10 ايام والحمدلله قلت يا سلام هالسفره انا خفيفه ويوم سفرنا للعاصمه لقيت نفسي مع شنطه اضافيه وكبيره موصغيرة ومليانه على الاخر والا الاكياس ما لها والي يا ربي ما ادري من وين طلعتلي هالاغراض ووقتها يستلمني زوجي ايه انا قلت لك ابعثي كل الاغراض ولا تخلين الا الضروري... باقي السالفه انه بعد في العاصمه رحت وشريت شنطه ثانيه علشان نلم باقي الاغراض وطلع المجموع 6 شنط كبيره وفي الطياره هاند باج سحب والكمبيوتر المحمول وكيس مليان شوكولا
علشان كذا حبيت تستفيدوا وصراحه تفكروا بالحوسه والاولاد والسفر وانه كثرت الاغراض وقت السفر هم وتعب مضاعف
اكملكم لما وصلنا البيت وشفت شنط الشحن مرتزه في هالصاله قلت ايه والله يا ليتني عرفت انه اغراضنا كثيره وما تخلص وبعثت اغلبها وارتحت على فكره انا بعثت ما يقارب 250كيلو

ما عليش طولت عليكم بس بغيت الي مثلي على سفر قريب تنتبه وترتاح من الحوسه وما تقول ما عندي اغراض لانه كنت دايما ارددها وبعدين طلعت النتيجه عكس

للرفع

للرفع

موضوع رائع .. لكن اتوقع اكثر من عادت لارض الوطن انقطعت عن المنتدى او هذا القسم للاسف الشديد اغلب من يعدن للوطن تنقطع اخبارهن عنا اكيد بسبب تغير الظروف وعدم الاستقرار في بداية العوده ..

واكيد عائشه اذا عادت ستقدم الكثير لهذا الموضوع ...

والله سبقتيني اختي فتاة سوريةفي الموضوع
انا انشاء الله على شهر 6 او 7 ارجع نهائي للوطن بعد غربة دامت 3 سنوات

وعندي سؤال ...ايش ممكن اخذ معي للخليج من امريكا؟... اقصد اشياء ما ممكن القاها في الخليج