**
تعالوا خواتي جميعا الي تبي الوظيفه والي ماتوظفت ,‘
احب اقولكم كلمات تنبع من القلب :
الحمدلله على كل حال , فالمؤمن دائما يشكر الله ألم يقل الله سبحانه وتعالى :
(( ولئن شكرتم لأزيدنكم ))
اخواتي كل الي يقدره الله خير
{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}}
اخواتي الي تعينوا واللي ماتعينوا يمكن اخوات فرحوا بتعين وهم مايدرون وش الخيره فيه ,
واخوات زعلانين لانهم ماتعينوا وهم مايدرون وش الخيره فيه مدرسات يتعبون ويشقون والا يلقون من تعبهم ولا ريال واحد ..!
الزوج يعتمد عليها واذا ماهي متزوجه كل العايله قايمه فيهم.,
ولا حد يرحمها..
واذا كان عندها عيال كبار تعالي شوفي رفعت الضغط , وكل يوم طلبات مظلومه من الجميع ..
وكل يوم تحسر على الوظيفه والتعب الي ماتهنت فيها !
هذا من غير بالها دايم مشغول على البيت والزوج والعيال ..
غير عن الي جالسه في بيتها ومرتاحه اذا بغت شي تطلبه ,
وحتى لو ماتحصل على الي هي تبي بس راحه البال من الراتب والفلوس الي احيانا تتعب الانسان وماتسعده ..!
شفتوا كيف الخيره ..؟
والله يبارك في كل وحده توظفت ويجعل الوظيفه لها راحه وسعد..
ويرزق الي ماتوظفت ويعطينا القناعه وهي اكبر كنز بعد طاعه الله .‘
واعذروني على كلماتي المتواضعه بس قلت لازم اقول الي اقدر عليه للبنات الي زعلانه ماتوظفت ..
**
جاده الحق @gadh_alhk
محررة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️