الجمال مو كل شي لكن يمكن انتي ماتحبينه وهذا مانلومك فيه لان قلبك مو ملكك

لكن انت تعزينه من المعاشرة لانه عاملك بالطيب طيب بدال ماتجلسين وتتعبين نفسك خليه يشوف حاله واذا لا تبينه صج ادعي الله ان يحنن قلبك ويقذف حبه بقلبك

بالعكس احمدي ربك انك احلا منه اول شي بيصير يمدحك وثاني شي تظمنين ان مافيه وحده بتاخذه منك
مع ان الحريم الحين ودهم باي رجال يسترهم حتى لو انه شيفه
سبحان الله انا عكسك مبسوطه ان زوجي شكله عااااااااااااااااادي جدا يعني اسمراني ودبدووب ومقرع بعد هههههههههههه
بس اشوفه زين باخلاقه ومايقصر معي صح انه عصبي جدااا
بس فيه ايجابيات كثييييييره
خلي تفكيرك منطقي حبيبتي طالما انك عارفه ماتقدرين تتطلقين
واحمدي ربك تراك بنعمه عظيمه وتاكدي لو قالك الحين بتزوج ثانيه وربي بتشتعل فيك نار الغيره

احمدي ربك حبيبتي ع الستر،فيه ملايين من البنات ما تزوجوا ، وربي اعرف وحدة تجنننننننننننن بس مو سعودية ،جمال واخلاق وبياض و دلع، وتزوجت واحد حبشي مع احترامي لاهل الحبشة، بس فرق السماء عن الارض بينههم من ناحية الشكل وع كذا تموووووووت فييييييييه لانه اخلااااااق ودييييييييييين،من ناحية الرجال طالعي في اخلاقه ودينه والشكل مومهم،وانا عن نفسي افضل الرجال الشين عن الحلو احسه رجااااال عن جد...،

انا اقول لك ليش تقولين كذا

عشانه يمدحك ويقول انك ملكه وفرحان فيك ويتغزل فيك

بس لو انه ساحب عليك السيفون كان بدل ذا الموضع كان كتبتي زوجي شين وقوات عين شين وما يعرف يتلكم ويظرب ومن السوالف هذي
تحمدي ربك لا يحس فيك ويتزوج وحده ثانيه وتاكل عقله عليك وبعدين تندمين

معليش اسلوبي قاسي بس عشان تصحين على نفسك مو اطبطب عليك وتشوفين نفسك زياده

الله يهديك

حبوبة بعطيك خيارين وانتي اختاري وهذي الخيارات واقعية

1- رجل مزيوون :) =
لكن يضربك .. يهينك .. مايهتم بشكلك ولايمدحك .. بخيل .. راعي بنات .. حق خمر ومخدرات وسهرات
زي كثيير مشاكل نشوفها .. اللي تقول ماعمرة مدحني ..ولا عمره جاب هدية ..ولاعمره قال كلمة حلووة
ولا هو برومنسي .. والا قاااسي وما يتكلم الا بالصراخ .. والاعصبي .. والا تقوول زوجي الحريم يطردون وراه وبيتزوجونه

او او او ...\الخ

2- رجل مقبول .. ( ماراح اقول شين لان الرجل بتعامله ورجولته مو بشكله )
لكن عكس ماسبق .. طيوب حبوب .. كريم .. مايهينك ولايهين اهلك ولايضربك .. ومايقصر عليك
ملتزم بدينة ..مايغث بكلمة .. كل الصفات الزينة فيه



من بتختارين

واحد حلو ومهمشك ليين تحسين انك ابشع وحده بالدنيا
او الثاني اللي مخليك ملكة بعيونه


صدقيني الشكل مو كل شيء من اي طرف

حتى الرجال لما يتزوجون وحدة جميلة كلها كم شهر ويمل ويطلع عيوبها ويمكن يطلقها او يتزوج عليها << حطي نفسك بهالوضع

اللي يبقى الاخلاق وحسن التعامل والمودة والرحمة

سواء رجل او مرأة ..


الحل

أولا .. أبعدي افكار ابليس من راسك .. ولا تقارنين بين جمالك وجمال زوجك

ترى انتي المرة وهو الرجال تخيلي رجال احلى من زوجته ..
قمة الاحباط حتى من المجتمع حولك الكل بيقول كيف متزوجها وزوجها احلى منها .. وتجي وحده تتميلح قدامه لين تخطفه منك!


ثانيا .. أدعي ربك أنه يكون قرة عين لكِ وانتي قرة عين له ..
وأكثري من دعاء الهم حببه الي وحببني إليه واجعلة اعظم الرجال بعيني


ومن ناحية نفسية

أنتي تفكرين بسلبيه .. وزوجك بعد نفس الشيء .. لما يقول انا ما استاهلك !!
المفروض ماتخلينه يقول هالكلام .. لانه بيأثر بنفسيتك وتصدقين وسوسة بليس انك تستاهلين واحد احلى منه!
ولا تقارنين شكل زوجك باشكال اخوانك او ناس حلووين قارني باخلاقة وحبة لكي واهتمامة فيك
شوفي مشاكل الناس ومصايبهم واحمدي ربك على النعمة اللي بين يدينك


أهم شيء كثري من الدعاء والاذكار
الله يحميك ويهديك

ويجعل زوجك اجمل الرجال بنظرك