الله يجزاكم خيير

تدرون وش تفكيري ذالحين لو جلست فوق قلت اكيد فيه احد تحت ولا بالغرف الي بالسطح وولو جلست تحت قلت اكيد فيه احد فوق

يناس افهموو حالتي انا ما كنت كذا كنت قووووويه مره ولا اخاف كنت انام لحالي واجلس لحالي اذا زوجي سافر بس مدري وش فيني وش جاني من صابني مدري من المرض الروحي مدري ايش فيني احيانا اقول ليتني بشقتي واريح راسي :(

فديت الغالي ويني وين الذهب ما عندي والله ولو عندي ما يجيب كنبه وحده

الله يعين

هونيها وتهون حبيبتي مبروك البيت واذا على الأثاث انا لي سنه ونصف ولا اثثت الا المطبخ وغرفة الحريم والباقي الأثاث القديم وماشيه الأمور ياربي لك الحمد
وبالنسبه للخوف دايم تعوذي من الشيطان وشغلي سورة البقره بالبيت وطولي الصوت واذا راحو عيالك للمدارس اشتغلي علشان يروح الوقت وما تحسين به وتنشغلين عن التفكير والهواجيس
واللي تسأل عن النزاله مهوب لازم تحطون عزيمه وتجمعون الناس لمين تأثثون بيتكم لأن الناس ماراح يقدرون وبيتكلمون عليكم

منزل مبااارك ان شاء الله
وعلى حسب الحي اذا انتي ساكنه بحي في بيوت كثيره وناس كثار بتستانسين وماتخافين مو زي ساكنه بحي ماافيه ونس فلل كثيره بس كل واحد لحاله وماتدرين البيت فيه احد او لا الا لما تطلع سياره من الفيلا

بالنسبه لي احيانا اخااااف بس الف البيت واسكر البيبان حتى باب السطح ارتاح وانام عادي
اهم شئ تأثثي غرف النوم تأثيث كامل حتى تررتاحي ويرتاحوا عيالك اذا جو من المدرسه ويكون لهم جو مناسب للمذاكره وترتيب كتبهم
اما المجااالس كل فتره اجمعي فلووس وامسكي غرفه واثثيها بالكااامل وهكذا لا تستعجلين بالاثاث

دلال جزاك الله خير

انا مدري شي جواتي يخوفني حتى لو حولي ناس وجيران والابواب مسكره مدري غصب عني :(

شوفي ي عمري انا مثلك بس وش سويت وراح الخوف القران شغال 24 ساعه مايتقفل ابدا ابدا ولازم سورة البقرة اذا عندك لاب توب عندك على اليوتيوب سورة القره خليها شغاله وعندك القران كامل شغليه اذا رحتي تنامي ولاتشغلي اغاني في بيتك ولا تعلقين صور ارواح والعاب البزارين الي دبب وارانب وارواح تنشال وبخري بيتك بشبه وجاوي وخلاص كلها اسبوع ويروح الخوف باذن الله بس لازم تواصلي على كذا
والاثاث كلنا بالهوا سوا شوي شوي ويجي غير الهدايا الي بتجيكم انا وزعت على اهلي فيه من جابلي بلازما والي سجاد والي اباجورات والي مدخل وهكذا ماعليك ربي بيسرها عليك ي وخيتي لاتشيلين هم انبسطي انتي وعيالك ولا تخلين الشيطان يوسسلك ويخرب فرحتكم بالبيت الله يبارك لكم فيه ي رب

ورقي نفسك ضر ري الاذكار ماتنترك والرقيه الشرعيه داومي عليها واسمعي بالسماعات رقيه شرعيه