زي ماقالو البنات الحي حلو و مخدوم فيه مولات مثل العثيم مول اسواق المجد سيتي ماكس الرمال سنتر وايكيا وبنفس المجمع تحصلين فيه اكستر ساكو الكترو والسوبر ماركت عندك العثيم والسدحان وبنده وعندك محل الدايت شوب وفي مخبز سنابل الريان يجنن وسنابل السلام ومطاعم كثير وخاصة بشارع المية وعندك مدارس التربية النموذجية وربي يوفقك 

ياهلا يالله حيها بتصيرين من الجيران الحي اغلبه حلو ووسيع صدر والمدارس فيه الخاص وفيه الحكومي حددي وأنا أدلك,وأكثر سكانه من أهل القصيم اعتقد كذا لأن جيرانني كلهم قصمان يهبلون

هلا بك ياجيراننا الجديدين ..الله يحيك والله يعينك على الاجار تراه هنا غالي بما ان الحي من الاحياء الراقيه بشرق الرياض ..
انا ساكنه بالروابي بشقه صغييييييره ب22 الف ..
واما عن السكان فهم كلهم اجاويد من القصيم والزلفي وحواليها مافيه غريب ,,
والخدمات كل شي متوفر والحمد الله ..

هلابش حبيبيتي عندناالحي الجديدحلوبس المدارس مااعرفش

الروابي حي كبير اذا سكنت في الجنوب تكونيين قريبه لاسواق المجد والعثيم مول واذا شماله قريبه لك مدارس التربيه النموذجيه والاندلس والله يحييك عند خوالي ولا انا هههههههه في حي الفلاح