الي سبق وسوت عملية تنظيف

صباح الخير

حبيباتي بسئلكم انا توفى الجنين في بطني وانا حامل بشهرين ونص وطلع النبض متوقف على عمر ٨ اسابيع فقررت اسوي تنظيف لان مامعاي دم والرحم مقفل


سويت التنظيف بمستشفى الحبيب في بريدة رحت ع الطوارئ وللاسف طوارئهم خايسه مايستقبلون الا ولادة والا نزيف قالوا لي اطلعي فوق ع المواعيد طبعا ماكان فيه احد فاضي الا دكتور سعودي


دخلت عليه ووريته تقرير باشعه تبين ان الجنين متوفي وقالي خلاص راح اخلي الدكتورة تعطيك تحاميل طلق عشان تفتح الرحم وبعده نسوي تنظيف عطوني يمكن ٣ او ٤ حبات :09: وبعد ٤ ساعات فتح الرحم وبدا النزيف


طبعا انا مالي دكتورة محدده فحسب الي عليها المناوبة هي الي تجي بعد النزيف اقولهم متى انزل تنظيف والا وش الوظع مااحد يرد ويوقولون استني ذبحني الطلق والنزيف :09: فجت الدكتوره بعد ٣ ساعات من النزيف وقالت الدكتور يقول عطوها طلق ثاني باقي مانزلت المشيمة الخلاصه بهذلوني بالطلق تقل ولادة واخر شي سوا لي تنظيف



سؤالي ليش الطريقة هذي الي اعرف على طول يدخلوهم عمليات ويعملوا تنظيف بدون البهذله هذي كلها :09:


طبعا المستشفى من وجهة نظري خايسيين يمكن لاني مجربة حبيب الرياض فهذا بالنسبة له صدمة

هل طريقتهم افضل او العملية على طول افضل ؟