تسلمين .....يعطيك العافية على السؤال

حتى نستفيد من ردود الاخوات

ياحبيبتي هو في الاصل بيجي برز السانويت بيجي طيب كثير وبيجنن بس يصير انك تسوينه برز الشعلان كمان بيكون طيب ومو لازم اي نوع من الخبز ولازم لازم يتاكل سخن الرز سخن والجميد كمان عشان يبين الطعم الحلو تبعو وهو صراحة جنان وممكن يكون علي لحمة وممكن يكون علي دجاج( لو سويتي الرز المصري او السانويت خلي بالك عشان ما يعجن منك) لكن الرز الامريكي لا لا لا مايزبط معك ابدا وما يكون حلو ابدا

اختي انا من الاردن وانصحك انك تعمليه بالرز المصري لانه بتشرب اللبن وهيك اصول الاكله اما الرز الامريكي بضل مفصول عن اللبن وما بتحسي بطعمه كتير..موفقه اتمنى اكون افدتك

يصير استخدم الخبز اللبناني بدال خبز الشراك ؟

استخدمي رز سن وايت او تايجر
وانقعي وحطي مي قد ما حطيتي رز... بتقدري تشوحي الرز أول بالسمنة قبل ما تضيفي الماء المغلي
او تحطي نص عيار السمنة (انا بخلط سمنة وزيت مازولا وشوية سمنة بلدية) (اولها على العالي وبعدين هدي النار لما تتنشف المي)
ولما يتنشف الرز ويقرب يستوي احمي خليط السمنة مزبوط وحطي على الوجه وبعدين بالملعقة غزي شوي بالرز حتى يدخل لجوا
واتركي على النار الهادية شوي
وبعجين اطفي وخلي شوي يتهدا
وبيطلع عندك احلى رز منسف
خبز الشراك بالعادة رفيع كتير
ما بعرف ازا عندكم منو
بس الصاج منيح بتفردي تحت الخبز، وما تنسي قبل ما تديري الرز تفتي كمان خبز بالنص وبتشريي الخبز شوي وبعدين بتديري الرز وبتجللي باللحمة الكبيرة وبلحمة مغرومة اظا بتحبي ولوز وصنوبر
وبالعافية
بالنسبة للبن
اطيب اشي انك تستخدمي جميد وبتنقعي بعد ما تغسلي بالمي منيح عشان يروح الملح
وبعدين بتخلطي بالخلاط ولضيفي معو لبن نعاج وشوية لبن شنينة "مخيض"
وبتخلي يغلي ولازم نضلط تحركي مزبوط وما تتركي ولا بيفرط
وبعدين بس يغلي بتتركي وبتضيفي عليه شوي من مية اللحمة
(بتصفيها)
وخلي على النار، وازا بدو ملح حطي
بعدين بعد ما يغلي منيح ضيفي اللحمة وخليها تغلي معو (اللحمة مسلوقة)
عشان تشرب طعم اللبن، فيكي كمان تحطيها وهي نصف سلقة وتكمل سلق باللبن
وكل ما تشوفي تقيل ممكن تضيفي من مرقة اللحمة
وانبسطو بمنسف ملوكي وصحتين