الي شاطره ب الشوربات تدخل

وعليكم السلام

جربي هذي الطريقه وان شاء الله يعجبك مذاقها وضاعفي الكميه حسب حاجتك



1 كاس عدس اصفر نظيف ومغسول

1 بصله مفرومه

1 بطاطس صغير مقشر ومقطع مكعبات
1 جزر مقشر ومقطع مكعبات

كزبره مع سيقانها او اعوادها لا تتخلصين منها خذي حوالي 5 إلى 10 سيقان مع اوراقها مفرومه ( لان النكهه تتركز في سيقان الكزبره )

1 ملعقه صغيره ثوم بودره ويمكن استبداله بفص ثوم مفروم .

1 ملعقه صغيره كمون

1 ملعقه صغيره كركم

نص ملعقه صغيره زنجبيل بودره

نص ملعقه صغيره فلفل اسود

نص ملعقه كبيره ملح او حسب الرغبه

جميع المكونات المذكوره توضع في قدر على النار وتغمر بالماء بحيث يكون الماء يغطي المكونات 2 سم تقريباً

وبعد الغليان تخفف النار ويترك ينضج تقريباً 15 دقيقه ، وبعد النضج يضرب بالخلاط الكهربائي ثم يصب مره اخرى في القدر ويرجع على النار واذا كان يحتاج ماء زياده او ملح اضيفي له ..

ثم قطعي الفطر شرائح وحطيه بمقلايه على النار مع قليل زيت وحركيه 3 إلى 5 دقايق ثم اضيفيه لشوربة العدس واتركيه على نار خفيفه 10 دقايق وبتكون الشوربه جاهزه للتقديم .

المذاق مايحتاج اضافة لحوم او دجاج لان الخضار والكزبره والتوابل المستخدمه راح تعطيه نكهه لذيذه وقوام ثخين

اما اذا كنتي حابه تستخدمين دجاج مع الشوربه فلازم تسلقين الدجاج على جنب مع بهارات حب مثل ورق غار واعواد قرفه وهيل وففل اسود لمدة نص ساعه ثم صفي الدجاج واحتفظي بالمرقه ..

خذي المرقه واستخدميها بدال الماء واضيفي لها المكونات اللي ذكرتها ثم كملي نفس الطريقه الى النضج والفرم واضيفي الفطر بعد التشويح بالزيت ومعه الدجاج بعد ماتقطعينه مكعبات كبيره شوي ..



شوربة العدس بحر واسع ممكن تضيفين اي شي يناسب ذوقك وانا انصحك تجربين الطريقه العاديه بالخضار بدون دجاج او لحم او مرقة ماجي ممكن مذاقها يناسبك واذا ماناسبك جربي مع الدجاج والمرق مره ثانيه .

اهلين فيك

مادري بصراحه
بس جربي شوربة ماجي حيل تهبل هي ثلاث انواع تخلط مع بعض شوربه خضار وشوربه دجاج وشوربه فطر
اذا حبيتيها كلميني خاص واعطيك الطريقه

وابي منك دعوه لي وبس

شوربة العدس بصل كامل وثلاث فصوص ثوم كامله كوب عدس اصفر مغسول ومصفى بطاطس مقطع وجزر مقطع مكعب ماجي ملح بهارات كزبره وكمون وفلفل اسود وتغمرينها بالمويه بعد ماتستوي تطحنينها وترجعينها في القدر تسخن

اما الفطر فا سوي به شوربة بيضاء

فطر مقطع صدور دجاج مقطع بصل مفروم ناعم فصين ثوم مفرومه ناعم زيت كوب حليب سائل ونص كوب كريمة الطبخ ملح وفلفل كوب مويه مع ملعقتين دقيق

احمسي البصل والثوم بس يذبل حطي الدجاج وخليه الين يستوي شيلي نصه على جنب حطي الفطر واحمسيها
حطي ملح وفلفل وشيلي نصف مع باقي الدجاج حطي المويه و الكريمه ملح وفلفل وخليها تطبخ نص ساعه بعدين اخلطيها في الخلاط وجزء منها خذيه واخلطيه مع المويه والدقيق ورجعيهم في القدر خليها على نار هاديه بس تثقل طفي عنها النار وحطيها في صحون التقديم وزينها بالفطر والدجاج الي وخرتي وجنبه خبز محمص

يعطيكم العافيه
والله يجزاكم الجنه ❤️🌹