نونو444 :

اهلييييييييييييييييييييييين بالخوافااااااااااااات انا جدتي لامي من النوع اللي تشوف وطبعا بناتها ورثوا عنها هالشي بس هم مايشوفوا زيها لا يحسون بس انا امي وخالتي يحسون اذا كانو موجودين وزي ما قلتوا تشوفهم امي بس زي الحلم ماتكون واعيه مره بس تقول امي انها مره زماااااااااااان وهي صغيره في بيتهم طبعا بيوتهم زمان قديييييييييمه ولا مكيفات ولاشي تقول كنت نايمه وحريت قمت فتحت البلكونه وكان بابها خشب لونه ازرق مدري اخضر لو تعرفون بيوت زماااان وكان هذا الباب نقدر نشوف اللي وراه بس هو مايقدر يشوفنا اللي تعرف بيوت زمان اكيد بتفهمني وبس تقول ما اشوف غير واحد شكله غريب قاعد على الكرسي رجوله طويله وشكله غريب وكان الوقت فجر بس طالع النور يعني واضح تقول ما صدقت عيني وقمت فتحت الباب الا هو يطالعني بطريقه تخووووووووووووف وعيونه حمر :30: :30: تقول انا اتسمرت مكاني الين جات امي اللي هي جدتي وقالت لها لا تقولي لاحد بس ومن بعدها امي صارت تحس يعني لو كانت نايمه تقوم ومره كمان طلعنا الطايف رحنا الشفا سكنا في مكان اسمه موتيلات الشفا لو تعرفوه هو في اعلى الشفا هو على جبل وبعدين يطل على شارع وتحت الشارع فيه زي الغابه المكان زي المدرجات والغابه كثثثثثثثثثثيفه كلها اشجار بطريقه ما تشوفين شي عشان كذا الناس ماكانوا يقدروا ينزلوا لها الا بصعوبه المهم كنا كل يوم في الليل بعد 12 تقريبا ما نشوف الا نار شابه في وسط الشجر ونسمع طرب ودق زي جلسات الشباب لاخر الليل في البدايه قلنا يمكن شباب طالعين طلعه واستمر الحال طول ما احنا قاعدين كل يوم دق المهم رجعنا لبلدنا ونزلنا مره ثانيه الصيف اللي بعده نفس الشي الا انا من لقافتي سالت العامل قلت مين هنا كل يوم في الليل يسوي طرب ضحك العامل بعدين قال انا اشتغل هنا لي خمس سنيين كل يوم على دا الحال قلت له انت كذاب قال والله اصلا الغابه مالها طريق وممكن الناس ينزلوا بس هي خطيره على هويه يعني حتى الشرطه مانعه ان الناس ينزلوا قلت لاهلي صرنا خايفيييييييين وذيك الليله مانمنا وهم يدقون من بعد12 الين قبل الاذان بشويه ونسمع صياااااااااااااح وضحك كانهم شباب وشويه واذن الا نسمع في نفس الشاليه اللي سكنا فيه المويه انفكت واللمبه انقفلت احنا جمدنا في اماكننا ومن طلع النور شلنا عفشنا ورجعنا ولا عاد طبينا الشفا لما نطلع نطلع الهدا وبس هذا ايااااااااااااااام الشباب بس دحين كبرنا واتزوجنا :arb: وانتقلت لمدينه ثانيه مشهوره بانها مليانه منهم حتى اسمها مشتق منهم مابقول عشان لا تخافوا وجيت بيتي بيتي جديد اول مره ينسكن العماره كلها يعني المهم في البدايه ماكنت منتبهه ايش اللي بيحصل مع انه فيه بس ما اعطيتها اهميه وكان عندي حوض سمك والا كل يوم اشوف السمك بيقل قلت يمكن من الجوع صاروا ياكلوا بعض خاصه اني غبت عن البيت كم يوم الا وكانت معي بنت عمتي صغيره عمرها سنتين وتمسك ورقه سوده من الارض تقول سمكه قمت اخذتها وشلت منها الورقه الا هي من جد سمكه وناشفه استغربت وشوي اشوف سمكه ثانيه ورا الكنب لسه رطبه بس عظمة السمكه وجلدها لحمها مافيه كانه مشفوط قلت لزوجي قالي يمكن احد رماها قلت يمكن اخوه الصغير لانه بس يجي بيتي يقلب الدنيا فوق تحت ولا اقدر اقوله شي عشان الصوره يعني:024: عشان كذا اكره الساعه اللي اشوفه فيه بس وبعدين نمنا تقريبا يومين متواصليين مدري ايش فينا ذاك اليوم زي الغيبوبه المهم بعدها بكم يوم قلت خليني ارتب اغراضي في غرفة النوم الا ادور ذهبي ما حصلته ادور ادور قلت انسرق قلبت البيت كله ما حصلته خلاص وكلت امري لله قلت اكيييييييييييييد انسرق مع انه ماحد جاني او دخل بيتي وكلت امري لله وتمر الايااااااااااااااام ونسيت الموضوع ومره كنت بالحماااااااام الله يكرمكم وانادي زوجي يجيب لي حاجه وزوجي كان مو بعيد ولا قريب عني الا اسمع واحد قدامي يرد علي يقول لي هلا وصوته غييييييييييييييييييييييييييييير عن صوت زوجي وانا شعر جسمي وقف خفت خفت لدرجه ما تتصوروها قلت لزوجي قال لي عااااااااااااااادي انا دايما تحصلي انت لما تسافري لاهلك دايما اسمع صوتك وحتى احيانا اكون انشر الغسيل (يخدم نفسه لما اكون مسافره ) وانشغل شويه ارجع القى الغسيل كله منشور ومره يقول كنت باسوي لي كاس شاي بعد الغدا جبت الصينيه ورحت اغسل كوب جيت لقيت كوب فوق الصينيه وسكريه ومره كنت انا وياه نايمين في غرفة النوم وفجاه زوجي قام لقى نفسه عرياااااااااااااان ماعليه ولا شي وهو يحلف انه ماشال ثيابه قلت له بس هاذي وحده تبغاك :hahaha: يضحك ولما يزعلني يقول لي ترى اكلمها اخليها تجيني اكيد هي احلى منك اقول كلمها ياقوي ولما اطلع من البيت اقوله اتحداك تكلمها دحين يقول لا وبعدين يقول بسم الله لا تخوفيني انا بالقوه جالس:eek: كمان مره زوجي جا من الدوام الصباح الساعه9 اخذ اوراق وراح وهو بالعاده مايلبس شماغ وانا كنت نايمه المهم بس جا كلمني بس ما صحصحت مره يعني واسمعه وهو يقفل باب الشقه الا واحد يفتح باب غرفة النوم عندي نفس هيئة زوجي بس ايش؟؟؟؟؟؟؟؟ لابس شماغ في البدايه قلت ايش فيك رجعت؟؟ الا هو جا عندي من جهة السرير الثانيه اللي هي جهة نوم زوجي وطبعا الءضاءه كانت خفيفه مو مره يعني هو وجهه مو باين وبدا يقرب مني وانا انتبهت انه مارد علي وادقق في الوجه ما اشوف شي كأنه ضباب اسود وتذكرت انه لابس شماغ وزوجي مو لابس :eek: المهم حسيت بقشعريره بجسمي وبروده مو طبيعيه والحمد لله ان ربي الهمني اقرا اية الكرسي وبس كنت اقراها بصوت عااالي كانه ثلج وذاااااااااااااااااب اختفى على تحت وجلست متسمره في مكاني لين2 الظهر جا زوجي قال ايش فيك قلت له من طقطق لسلام عليكو :30: وكنت حامل في الشهر الثامن ثاني يوم وداني لاهلي والين اليوم وانا عند اهلي قلت له ماني راجعه غير لما تحولني بيت جديد ومازال البحث مستمرااااااااا ادري طولت مرررررررررررررررررره بس انتوا جيتوا على الجرح وعاد انا ما صدقت بس ابغى طرف سيره وانفتح معليش على الاطاله:26:

اهلييييييييييييييييييييييين بالخوافااااااااااااات انا جدتي لامي من النوع اللي تشوف وطبعا...

عبير البنفسج :

انا هنا نشفففففففففففت بجد الوصف يخررررررع انا بصراحه اخاف من الوصف اللي يجيلك واحد رجله رجل حمار (الله يكرمكم) ولا ساقه ساق كلب والله اتعقد بجد انشف لما اسمع هالوصف اي شي يتعلق بالرجل.............. باروح اقول الأذكار <<<<<<<<< أحين عرفت ان الله حق جزاكم الله خير

انا هنا نشفففففففففففت بجد الوصف يخررررررع انا بصراحه اخاف من الوصف اللي يجيلك واحد رجله رجل...