الي شاف موضوع الآيفون حقي وصلني منهم شهادة الضمان ...

بنات وصلني من الشركة شهادة الضمان وموقعه شوفوها...
ما اعرف كيف احمل صورة على منتدى ...
عطوني ايميلاتكم ارسلهالكم تشوفوها
والله مبسوطة مرررررة تخيلوا ثلاث أجهزة والله ما كلف مني غير اربعة آلاف ونص وااااو
يالله حلم قدرت اهدي واحد من اخواني مسكين كان يحلم متى ينزل ويتابع روابطهم على اليوتيوب سعرة هنا الفين ونص ان مازادت لا وحقارة بدون ملحقاتها انتي تشترينها من الوكيل مايعطونك حتى البرامج المحملة عليها
استفزاز بشكل ...
والله افكر اصير وكيله للشركة هنا واطير التجار الطماعين بالمريخ ههههههههه

المهم بيرسلون لي الفاتورة قبل ما اسدد يعني بعطيهم عنوان البريد ويرسلونها اذا وصلت احول يقولون هاذي لحفظ الحقوق مختومه من وزارة التجارة عندهم مع انهم كفار طالعوا امانتهم ...

الشي الي بقوله الجمارك اتوقع هو سبب ارتفاع الاسعار الباهض من التجار لانهم يدفعونها من جيبهم للجمارك السعودية حسب الوزن فيجي التاجر يحط حرته في المشتري المسكين يعني لو جاب شحنه 1000 طن وعدد المشترين للأجهزة 1000 يغطي ثمن الجمارك مع الربح بس جشعهم مبالغ فيه ...

فالشركة كاتبه في العقد اذا طلبت كمية لغرض شخصي يعني مو مسجله محل تجاري يعني طلبيه موللتجارة يعني واحد يشتريها لاقاربه للحواليه ووصلت الجمارك اكثر من 75 جرام طبعا بميزان الجمارك مو بالميزان العادي يصير ثمن الجمارك على الشركة ارضاء للعميل
انا قلت بصبر لنهاية الاسبوع بشوف طلبات بنات عمي وبنات الجامعة ومره وحده الي بعالم حواء ونجيبها سوا
ونفتك من سعر الجمارك انا والله بجيب لابوي ولخواني ولختي هدية عشان بتزوج يذكروني بالخير ومانسيت عريس الغفلة بفاجأة ان شاء الله :arb:
فا الي بالرياض ترسلي على الخاص واعطيها رقم حسابي ...تحول اعطيها عنوان بيتنا تجي تاخذه او نتفق في مكن معين
وكل وحده تاخذ طلبها باسمها لاني والله ما اعرف في شركات الشحن ...
تدرون والله كاسر خاطري البنات الي مو من الرياض حرام يرسلون لي وانا ما اعرف اشحن :
اقترحت اذا في وحده تعرف للشحن ويصير اسلمها الأجهزة وترسلها لكم ...او علموني باجرائات الشحن من الالف للياء مع ارقامهم وعناوينهم وانا عشان عين تكرم مدينه اسويها ان شاء الله مايغلى عليكم والله ...
تدرون الجهاز مابعد نزل في السعودية والله قالولي يوصل بشهر اكتوبر او شحنه للوكيل
يعني ونااااااااااااسه نكون اول ناس نكشخ فيه ...
والله من فرحتي نزلت لكم الموضوع ...ادعولي تكفون اتوفق في حياتي مع بعلي خخخخخخخخ.