" لميييس " :

السلام عليكم ... من واقع تجربتي برد عليك ... أنا انسانه متزوجه وشخصيتي بوجهة نظري حلوه ,, لاقويه متسلطه ولاضعيفه منقاده ,, ورغم هذا أطيع زوجي بأشياء كثيره وغالبيتها مو مقتنعه فيها لعدة أسباب ... أولا ارضاء له وثانيا أريح لراسي ... الرجل ياعزيزتي يحب يشعر برجولته وللأسف مفهوم الرجوله عن رجالنا هو اخضاع المرأه له وطاعتها العمياء له وهذا مو ذنبهم علشان نحاسبهم ,, الذنب الأول على التربيه اللي لقنتهم مفاهيم خاطئه ... أنا بأول سنه كنت أعترض وأقول لا وأعصب بس بالأخير ماأطلع إلا بنتيجه وحده وهي زعله حتى لو مابين عليه راح يبين من تصرفاته المستقبليه ... حاليا جربت طريقه مريحه نسبيا بالنسبه لي ويمكن تنفع مع صديقتك ,,, أبين له وجهة نظري وعدم اقتناعي بأسلوب حلو وأفهمه إن لي حق بالتعبير ومو شرط يكون رأيي مطابق لرأيه ومع هذا بأرضيه بالأخير وألبي له طلبه وكذا أحس إني على الأقل مو منقاده له أو عديمه شخصيه ..... بس ياريت تعطينا بعض من المواقف اللي أثارت غضبك عليها ..... ولاتحطي ببالك أبد إن الزواج استعباد أو إلغاء للشخصيه بس تتم بعض التنازلات علشان تمشي الحياه بشكل مريح ومن غير وجع راس وبكذ ترتاحي وتريحي

السلام عليكم ... من واقع تجربتي برد عليك ... أنا انسانه متزوجه وشخصيتي بوجهة نظري حلوه ,,...