الي شعورهم طويلة تعالوا تكفون عطوني افكار وساعدوني

كيفكم يابنات حواء اول مرة اكتب بهالقسم

بس من جد مليييييييييييييت من شعري

من يومني في ابتدائي وهذا شعري طويل كان نفسي اقصه نفسي اشوف الشعر القصير علي بس امي الله يرحمها ماكانت ترضى ابد

كبرت للمتوسط للثانوي نفس الشي امي ماترضى عاد في الثانوي مافي امل صرت بوجه الزبون على قولتها
مافي امل ترضى حتى اواسي اطرافه

عاد يوم تزوجت يوووووه قلت جاء الفرج قال المزيون لا لا تقصينه اصبغي درجي بس لا تغيرين طولة

ويوم طلعت من النفاس تجرات وقصيت وصبغت بس ماطلع علي القصير حلو ابد لاني سمينة شوي 75 وصدر كبير شوي عشان كذا تقول اختي موب حلو

والصبغة رجلي كل يوم يقول لي حلو عليك الاشقر بس انا احب الاسود احلى

رحت وصبغت اسود والحين شعري طال مره بس شعر طويل واسود مره ستايل قديييييييم

واذا رحت المناسبات مادري وش اسو به
انتوا يالي شعوركم طوال وش تسوون به

لان شعري ناعم مره الفلفه طول اليوم والله اني مافكه الا اذا خلاص لبست عباتي مايميدني اوصل الا شعري استريييييييييييييييت

البف احط شوي بف مايميديني اوصل المناسبة الا لاصق في راسي

طيب ش اسوي ماحب التسريحات الكبيرة احس جبل على راسي ولا احب اروح اربط نفسي بكوافيرات ومشاغل يروح يومي كله وانا بالمشغل

رجلي يقول انا ماخذ وحده شعرها ناعم عشان تفكني من المشاوير هذه خخخخخخخخخخخخخخ

طيب وش اسوي يابنات الي عندها حل تقول لس
بالتفصيل

وش تسوين اذا جيتي بتروحين مناسبة كيف تلفلفين شعرك وش تحطين عشان يثبت وش تستخدمين فير استشوار مككواة سيراميك اي بخاخ افضل شي لتثبيت الشعر
ايش افضل رغوة للشعر
وياليت بالصور اسعفوني تكفووني يااخواتي
ممع العلم ان شعري خفيف من قدام يعطيني اغطي الفراغات بكحل ( حالة مستعصية )