سبحان الله هو يمكن من ربي هو شباب القلب وأن يكون عمران بالايمان
أمي الله يرحمها ما عجز وجهها وعماتي 2 منهم احس عمرهم متوقف ...واحنا اللي يشوفنا ما يعطينا عمرنا حتى أخوي داخل على الخمسين يحسبونه في 35 سنه
وانا اقل شي يصغروني 15 سنه عن عمري الحمد لله نعمه من ربي....
بس النوم الصحي وشرب الماء وعدم استهلاك الوجه بالمكياج

السلام عليكم

حتى انا نفس الشي يقولون يوم احط مكياج مكبرني...أحلى بدون لان ويهي بيبي فيس..

تحياتي

ههههه أنا يقولون عني شكلي أصغر بس أنا أســــــــــــــــاسا صغيرة يعني عمري 21 بس الكل لما يشوفني يقولون ماما انتي أي صف؟ هههه و أنا بعد الحمدلله ما شاءالله ويهي وايد صافي و المشكلة مدور مثل الرغيف العجيب...و السبب والله مادري بس من الله ملامحي مرررررة بيبي فيس

السر بكل بساطة..
هههههه
هو القصر..
كلما كنت قصيرة ونعومة كان شكلك يدل على الصغر أكثر..


كنت داخلة علشان اقول نفس الكلام
انا عمري 24
ومتزوجة
واللي يشوفني يعطيني 18 , لا واذا دروا اني متزوجة ينهبلون
فعلا
القصر
النحف
صغر الحجم
والبيبي فيس وشي ثاني الخدود ترا تعطي انطباع ان الوحدة بيبي لان الاطفال دايما فيهم خدود
كل هذا صغرني في الشكل
الحمدللة

السلام عليكم ورحمه الله وبركاته
انا دايما يعطوني اصغر من سني مع اني وصلت فوق ؟ سنه بس يعطوني سنه اولى جامعه او 20 سنه وامس ولد اخوي يقول لي عمتي كأن عمرك 15 سنه
صح مثل ماقالوا الاخوات الشكل النعوم يعطي اصغر اعتقد لاني انا نعومه والكل يقول لي هالملاحظه

- ثاني شي لاتكبرين عمرك عيش ايامك امزحي ولعبي وانبسطي انا الحين العب مع عيال اخوي الصغار ان نستخبى وندور على بعض واسوق معاهم السياكل والعب معاهم تشوفين صراخي واصل لوين

- لاتحسدين ولاتغارين من احد.............الحسد والغيره تاكل في صاحبها........الخير جاي من رب العالمين ..............احسدها ليه ..........الله ماعطها ...الله يزيدها ......حتى صديقتي تقول ماتشوفين مابين فيك الكبر لاحسد ولاغيره

- ترفعي عن كثير من الامور .........انا اشتغل اشوف اغلب الحريم يتهاوشون ويختلفون على اشياء تافهه والله ماتسوى ويحرقون اعصابهم...........انا مريحه اعصابي مافكر في اشياء ماتستاهل اصلا تاخذ حيز من التفكير غير انها بتعبني بالتفكير بها

-حاولي قبل اذان الفجر تقومين بربع ساعه وصلي ركعتين