الي صار بزواج اخوي حطمنا/ استوفى الرد

السلام عليكم ورحمه الله وبركاته

حابه اخذ استشارتكم بموضوع زواج اخوي الي من جد كسرنا كلنا من بدايه خطوبته مانبي البنت الي اختارها بس امي قالت خلاص طالما هو يبيها نزوجها اياها لابكره ناخذ له وحده ويظلمها او مايرتاح وقدر الله ماشاء فعل وتمت الملكه البنت واهلها الله يستر عليهم مو من مستوانا مو قصدي المادي لا او الاجتماعي لا الاخلاقي يعني اللبس والعادات وهالشغلات هم بوادي واحنا بوادي ومع ذالك قلنا مو مهم اهم شي راحه اخوي مع زوجته طبعا الزواج كان البارحه اول شي جايبين طقاقه قلنا ماعليش بس عااااد موسيقي واورج وجايبين معهم رجال بغرفه خارجيه يغني وموسيقي واحنا ناس ملتزمين ويوم كلمنا اام العروس علي الاقل بلاها الموسيقي يطفون الاورج قالت لامي بكل وقاحه لا تخربون عرسنا
الشي الثاني لبسهم اعوذبالله لدرجه اخت العروس لابسه ثوب الفتحه من الرقبه الين البطن حتي سرها طالع ورقص خليع وفوق هذا مسويين حركه بعد مادخلت العروس وصله رقص مصريه لابسين اخواتها ثياب تشبه بدل الرقص وعندهم عصي يرقصون فيها صراحه امي افتشلت وصارت قد النمله عند جماعتنا وغالبهم لما جاو وشافو المسخره بالعرس ماجلسو كل وحده تجي وتشوف الوضع بس تسلم وتنحاش انا من الصدمه ماقدرت اتصرف ولا حبيت اخرب الزواج ورحت جلست بغرفه الي فيها اغراضنا وامي جات جلست معاي محتارين وش نسوي وفوق كل هذا امي كانت مسويه توزيعات عباره عن قران صغير وشوكولاتات لما شافت الناس ينحاشون قالت علي الاقل خليهم لين جونا الناس بالبيت وتقوم ام العروس تاخذهم وتوزعهم علي جماعتها وتعطي كل وحده بال15 و20 حبه وتخلصهم كلهم تخيلو اكثر من 700 توزيعه ماشفنا منهم شي وامي ماحبت تخانقها طبعا اخذتهم من الغرفه الي فيها اغراضنا حتي مااستاذنت وعدت اللليله بس اخذنا موقف كبير من العروس واهلها احنا حيرانين كيف نواجههم او نعاملهم امي مسكينه تعبانه وارتفع ضغطها وتقول ماتبي تشوف احد من طرفهم حتي زوجه اخوي لانها ماقصرت تخيلو عروس ترقص لا ومصري وتهز وضحك وماخلت اغنيه مارقصت عليها ولما اخوي دخل الصاله بدال ماتسلم عليه قامت تبوس فيه قدام الحريم ياللللله وين نودي وجيهنا بنصير علكه عند الناس والمشكله اخوي متعلق فيها ومانبي نسوي مشاكل وامي مو راضيه نقول له شي قالت خلاص اهم شي اخوكم مبسوط اسكتو لا ازعل عليكم انا ودي اذا اشوف وج مرت اخوي اصكها بجزمه علي وجهها وتكرم الجزمه عنها علي الي سوووة بالزواج مو قليل كيف نتصرف معاهم ودي نقطع العلاقه فيهم وحتي بزوجه اخوي امي تقول ماتبيها ابد وش نسوي ياريت كل وحده تحط نفسها مكاني وش بيكون شعوركم وكيف بتعاملونهم او بتعاملو زوجه اخوكم بعد الي صااااااار واسمحو لي طولت عليكم