للاسف انا صوتي عالي وعالي وعاااااااااااااااااااااااااااااااااااااااااااااااااااااااااااااااالي
وهذي مشكلتي في الحياااااااااااااااااه :icon33:
بصراحه صوتي كان طبيعي بس من تعرفت على وحده في المدرسه ماشالله صوتها كان عالي وانا كنت اجاريهاا ليين ما صار صوتي فيه بحه وخلاص تعودت على الكلام بصوت عالي :09:
حتى على ايام الجامعه لما اقعد ويه اربيعاتي ونسولف البنات الثانيات يطالعونا بنظرات :ohmy: خخخخ
يعني كأنه نتضارب :024: خخخ بس انه عادي سوالف عاديه وفي مرات اونه انقوول اسرار مانبي حد يسمعنا وماشالله كل العالم دروو بالساالفه خخخخخخخخخخ
وطبعا في اوقات العصبيه ماشالله اطلع حرتي كلها بصووتي احس اذا ماصارخت مارح تبرد النار الي بقلبي.....
طبعا ربيعتي الي من ايام المدارس والي صوتها عالي انخطبت ونحن كنا انقولها كيف بتكلمين ريلج بعدين ؟؟ يعني لازم رقه وطبعا والرياييل مايحبون البنات الي دفاشه شراتنا :22: خخخخخ
و عقب ما ملجت وبدت تتكلم ويه ريلها كنا انفج حلووجنااا يوم ترمس وياه رقييييييييييييييييييييقه وقمة الانوثه وصوتها غير مسموع :27:
وعقب متسكر من الفون اتطالعنا واتقول بصوت عالي اشفييييييييييييييييييييييييكم
انقول لها بسم الله شو ها توج رقيقه خخخ
اتقول والله اعاني احس مب طبيعتي كاني وحده ثانيه بس شو انسوي مانبي انطفر بالريال وتوه اول الدرب وقالت لي في مرات يوم اتسووولف وياه تنسى عمرها ويبدى صوتها يعلى وهو ينصدم وتقوله سوري انفعلت وايد خخخخخخخخخخخخخخ بس مصيره يكتشف
الله يعييين والله وايد اعاني من هالشي خاصه لما اتكلم مع ناس مايعرفون طبعي عدل يوم اتكلم بصوت عالي هم على بالهم اني اصارخ او افرض رايي عليهم بس والله مب قصدي صووتي جيه شو اسوي :icon33:
السموحه منكم طولت عليكم ترا فضفضت عن الي في خاطري :30:
تسلموون والله على هالموضوع :)

انا نفس الشي ..

كنت عند بيت اهلي نعومة ولما اتكلم بالتلفون مع احد اعيد الكلمة مرتين وثلاثة حتى يسمعوها من كثر ما صوتي منخفض وخجول ..

الحين كل الجيران حافظة صوتي ويعرفون متى نصحى ومتى ننام من الهدوء اللي يصير لما ننام والصوت العاااااااااااالي اللي يبدأ من حين ما نصحى ..

زوجي يلومني دائماً على صوتي العالي ، مع انه صوته اعلى من صوتي وصوت اهله اعلى واعلى يعني اما انزل عند بيت اهله يكونون مشعلين التلفزيون وسماعاته راح تنفجر من كثر ما يعلون الصوت وهم يتكلمون بصوت عالي يعني اللي مارق بجانب البيت يقول هوشة او عرس من كثر الضجيج .. وحتى عندي بالبيت كان زوجي يحب يشاهد التلفزيون بصوت عالي وانا اموت من الضجيج لحين عودته انه التلفزيون لازم يكون صوته معتدل .. ما ينفع صوت تلفزيون عالي وعيال يصيحون ويبكون وهو يصيح على عياله وانا اصيح عليهم كلهم من الضجة ..

بس صدقاً لما يكونون العيال هادئين وبدون مشاكل يكون صوتي منخففففففففففففففض وما عندي مشكلة .. وهذا كله من الضغط النفسي والجسدي علينا نحن معشر النساء ..

انا صوووووووووتي (( كناااااري )) وابد ما يتغير (( خلقه ربكم ))
ههههههههههههههههه هههههههههههههههه
والله هالايام اذا ما تصااارخ ما تقدر تعيش ....
شووووووووونسوي مجبورين ..

ماشالله كلنا اصوتنا عاليه وين النعومات يعطونا حلول
انا اخاف انعم ووطي صوتي يحسبني زوجي مريضه

والله نفس حالتي

ما عندي غير اني اروح بيتي يوم لا انا و لا ريلي نحب الصوت العالي