الي عانت او تعاني من تشقق الحلمات تساعدني؟

ياعزيزتي تشققات الحلمه يبيلها صبر ...ومب اي صبر..لانها مؤلمه

على العموم انت تشفطين الحليب من صدرك وهذا مب غلط بس حاولي ترضعين من صدرك...ابد لا تخلين الألم يتغلب عليك عشان صدرك لا ينشف...وحتى لو تشفطين ترى ممكن ينشف.. لان الجهاز طريقته مب مثل الطفل لما يرضع و صدر الأم يدر...

قابلي أخصائية الرضاعه بالمستشفى راح توصف لك كريم Ointment cream او شي من هذا القبيل مفيد جدا جدا ..

ولاتنسين دائما خذي من حليبك و حطيه على الحلمه و خليها تنشف من دون ماتمسحينها..كرري العمليه قد ماتقدرين لاني جربت كل الطرق و ما فادني الا هالطريقه...

الله يعينك بس ترى الرضاعه الطبيعيه مافي أحسن منها.........تحملي و تحملي و إنشاءالله مأجوره....وحطي مصلحة البيبي اول شي


طمنيني عنك

انا مره قريت في فوائد الفواكه والخضروات عن البقدونس انه مفيد لحالات تشققات الثدي
وهي انج تاخذين البقدونس وتفرمينه لين اصير ناعم تحطينه على الثدي وتغلفينه بقطعة نايلون
وانشاء الله راح تستفيدين منه

أم سوافي
يعطيك العافية على دعمك وانا والله مامعذبني الا مصلحة الصغيروون
وما ودي ارضع صناعي
اليوم قلت بتغلب على الألم وارضع طبيعي ومن صدري يوم كامل
وفعلا كملت اربع وعشرين ساعة
وفي النهاية بدت تنزف وحدة من الحلمات والألم الله المستعان
واعطوني في المستشفى البيبثين ومستمرة عليه

نوارة النور
الله ينور عليك أختي دنيا وأخرة
بجرب هالخلطة الله يعطيك العافية

الله يعينج

لازم تتحملين مع اني مجربته وهو الم لايطاق والي يغث لمن تبدا الحلمه تنزف

انتي بعد كل رضعه اغسليها بماي دافي ورطبيها باي كريم او زيت ودلكيها
وقبل الرضاعه نظفيها من الزيت وابدي رضعي

أختي حبيبتي تحملي وتحملي من أجل طفلك وتحملي وتحملي وتحملي وتحملي وتحملي وتحملي
ترى إنتي جيتي على الجرح أختي والله إني حــــــــــــــــــــــــــــــــــــــــــــــــــــــاااااااااااسة فيك

لأن هذا السبب هو الي خلاني أفطم ولدي مارضع إلا ثلاث شهور وهذا الأمريجيني في الحلم لأني توترت نفسيا وكان ودي يرضع بشتى السبل ..لكن قضاء الله الحمد لله أنا مشكلتي إني ماصبرت وعالجت المموضوع لا ..أنا إستسلمت للألم وأعطيه رضاعة ؟؟ثم أسحب الحليب وبعدها نشف الحليب وهو تعود على الصناعي ؟؟؟؟
أختي والله إن قلبي عورني يوم قريت قصتك مع ولدك تذكرت ,تذكرت الموضوع الي حصلي من ثلاث سنوات تقريبا ومهو راضي ينمحي من الذاكرة تخيلي اختي دايم اتحلم فيه بالنوم
عشان كذا عالجي نفسك ولا تستسلمين للألم...وترى يروح زوجك للصيدلي ويطلب منه مرهم الشقوق إلي مايأثر على الطفل وممكن يرضع وأنت حاطة منه ..
والله أنا أبغى منك دعوة حلوة إن ربي يفرج همي ويجعلني أرضع أولادي القادمين إن شاء الله