الي على وجه ولاده تعلمنا وين سوت مفرشها وروب الاستقبال والذي منه

انا سمعت عن المشاغل اللي عند ملاهي الخيمه فيها تفصيل

ايه قالو عنها بعض البنات ورحت لدار ريوف بس كانو بيقفلون وما مداني اخذ واعطي معها وفيه محل بجنبه برضو قالو لي عنه البنات ورحت له بس غالي على غير سنع

وينكم

مافي ارقى من الجاهز ياختي
انا قميصي شريته من قزاز والمفرش من قيصر الي بالسيركون والموضه الحين الي يكون خفيف بدون سفنج وصواني الشوكلاته من لبنان جبتها والبيالات والفناجيل من القرعاوي محل الفخامه مع انها صنع لبناني لقيتها بالرياض ارخص
ومفرش الطاوله فصلته عند خياط عادي بس جبت له كلف حلوه وغريبه
وسويت لي كم فازه ورد من زهره الربيع وكلها قزاز شفاف من جوا كرستال نفس لون اغراضي هذا للمستشفى طبعاا
للبيت احنا مانحط سرير عند الضيوف نحط سرير في مجلس داخلي لجلستنا العائليه عشان كذا مفارش عاديه عليه ونفس الشي سرير بيبي عادي
ولبنتي شريت لها فستان للاستقبال من لبنان الي يجي طويل مره شريته من هناك 200 دولار وصبغته عند عادل بلون سكري 200 ريال لان لونه ابيض كان واشكاله عند فتيحي 3 الاف
وهذا كان لسها لاستقبال الضيوف وانا شريت لي جلابيه فخمه من كبرى القصير لاستقبال الضيوف
قلت لك كل شي بالتفصيل
انشاء الله تستفيدي