السلام عليكم ورحمته الله وبركاته
ادري بتقولون انهبلت بنت الرياض وش هالموضوع المبهم مافي احد حياته كلها سعاده او كلها حزن الحياه كوكتيل بس في خاطري شي ودي اوصله لكم وبتكلم عامي علشان تفهوني المشكله يابنات مو في حياتنا المشكله في انفسنا وتركيزنا على الجانب السلبي للحياه اكثر من الايجابي فوالله لو كل انسان طالع الجانب الايجابي في حياته وعززه والله ماتشوفون هم وغم ولاتشوفون مستشفيات فتحت لاامراض النفسيه واكثر الامراض النفسيه من هذا السبب تشوفين الواحد مايحمد ربه على النعم الي عنده لا يحاول يدور الي ناقصه ويضيق صدره وترى المرض النفسي اشد من العضوي تشوفين الوحده ربي رزاقها بزوج حنون (ادري مافيه احد كامل ) وذريه وتلقينها تدور النكد لنفسها العيال مايسمعوني كلامي العيال والعيال طيب وعيال فلانه غير طيب فلانه يمكن زوجها اقشر عليها وربي عوضها بالذريه الصالحه ليه ماشا فت نعمه ربي عليها من زوج راحت تدور الي ناقصها وثانيه تقول زوجي مايعاملني معامله حسنه وتتشكى من زوجها وكلامها صحيح بس ماتدري يمكن بكره عيالها يكبرون وينسونها الهم الذي ذاقته من ابوهم واذا كانوا عيالهم مو كويسين يمكن يجيها مرت ولد تعوضها الناقص وتحطها في عيونها
واضرب لكم نموذج اخر امراء تزوجت وعيلت وتطلقت وتحي تقول للي متاخرات بالزواج وش لقيت من الزواج اشوا انكم ماتزوجتوا وش حصلت طيب ماشافت نعمه ربي عليها ان ربي رازقها من عيال وغيرها يتمنى قطعه ولد لهدرجه وصلت الانانيه انكرت كل الجوانب الايجابيه وركزت على السلبي او مثلا وحده تزوجت وتطلقت وماعندها عيال تقوم تندم حظها طيب احمدري ربك حصلتي نعمه الفرحه بالزواج الي غيرك انحرم منها وغير كذا ربي مارزقك عيال خيره لك ماتدرين يمكن عيال سبب عائق لزواجك مره اخرى
والي تاخرت في الانجاب وتقول فلانه صديقيتي حملت اول ماتزوجت ماتدرين يمكن لو رزقك عيال بدري اتعبوك في التربيه وعقوك واذا جوا متاخرين طلعوا بارين بك
والي تشتكتي من امها تقول امي ماتفهمني امهات الناس غير طيب يمكن انتي ماعندك ام بس عندك ابو حنون ولو ماكان عندك ام وابو من عليك ربي بااخوان يحطونك بعينهم ماعندك كل هذولي ربي عطاك صديقه تفهمك
وايضا المتاخرات بالزواج ماتدرون ربي وش اخفى لكم من قره اعين يمكن ربي اخره لك لحكمه ارادها مخبي لك الاحسن يمكن لو تزوجتي بدري تطلقتي او ماتوفقتي او جاك زوج نكد حياتك ليل ونهاروتمنيتي انك في يت اهلك
اهم شي الثقه بالله ولنا في قصه موسى في سوره الكهف مواعظ بس من يتدبر يوم قتل الصبي وخرق السفينه وهدم الجدار لو تاملناها لوجدنا ان ظاهرها مصائب لكن لكل منها حكمه وخير لمن اصيب بها مخفيه لايعلمها الا هو سبحانه
اسفه طولت كلام بس حبيت الم بااكثر المشاكل في حياتنا انا مو ضد التشكي اذا كان القصد منه طلب النصيحه انا ضد التذمر من الحاله ونكران نعمه الله
يعني كل انسان عنده جانب سلبي وجانب ايجابي
اذا عحبكم الموضوع ادعوا لي في ظهر الغيب بالستر في الدنيا والاخره وان يفرج همي وهموم المسلمين
بنت الرياض2008 @bnt_alryad2008
عضوة فعالة
يلزم عليك تسجيل الدخول أولًا لكتابة تعليق.
REEMA 26
•
الله يستر عليك والله يفرج همك وغمك يارب
وصحيح كلامك...وربي نفس اللي قلتيه دايم يدور ببالي ووقتها يهون عندي الهم والغم والحمدالله على كل حال احنا احسن من غيرنا بكثيييير..
الله يسعدك ويوفقك على موضوعك الرائع.
وصحيح كلامك...وربي نفس اللي قلتيه دايم يدور ببالي ووقتها يهون عندي الهم والغم والحمدالله على كل حال احنا احسن من غيرنا بكثيييير..
الله يسعدك ويوفقك على موضوعك الرائع.
الصفحة الأخيرة
والحمد لله على جميع النعم يكفي نعمة العقل ونعمة الاسلام
وفقك الله دنيا واخره