حبيبتي اخوك مو مدلعها الا لانها مريحته

وهذا الطلوب الحمدالله , اكيد امك مازوجته الا تبي له زوجه تريحه وتقوم بواجاته وتسعده

انتي بموضعك تمنين اخوك عليها وان مسفرها ومريحها يعني لازم تزوركم !

يمكن البنت خايفه من المشاكل وتفضل تبقى بعيده عشان لاتخسر الاحترام اللي بينكم

وماتدرين دام اخوك ساكت يمكن يكون له نفس النظره وماوده تطيح الميانه بينكم

اذا بخاطرك شيء من ناحية الزيارات كلمي اخوك وهو يتناقش معاها باللي يناسبهم

وشيلي من بآلك فكرة اخونا واخونا وسوا لها وسفرها واهداها ووووو ... ترآها زوجته ومن حقهم يعيشون حياتهم

وانتي اذا احتجتي شيء يبقى اخوك اطلبي اللي تبين بعيدا عن التدقيق على زوجته ومقارنة نفسك فيها

والله يصلح مابينكم يآرب

ترا ما بتاخذين رد مفيد من زوجات العيال

انتي طلبتي رد ام زوج و قلتي حطي نفسك مكاني

نعم يوم ازوج ولدي فانا حاطه في قلبي وبالي اني بجيب بنت ثانيه لي في العائله

تشاركنا همومنا و افراحنا نسندها و تسندنا نقوم فيها و تقوم فينا

نعاونها و تعاونا نحبها وتحبنا

لكن تجي هي من دون سبب تقاطعنا و كانها قطعت تذكره وجاتك ماشيه

وين يالحبيبه انا ماربيت و زوجت علشان تنحسبين علي مرة ولد بالاسم

وين قدر اهل الزوج و جدان وعمان عيالك و لا انتي منتي صايره بيوم جده ؟

اللي زي ذي يخلف الله على ام الولد و يعوض عليها حتى ولدها يترزز جيبوا لها هديه غاليه

وينك انت اجل ما تقول لها روحي لامي وجيبي لها

بحريمه عليها الهديه

ولدي ذا اللي جحدني هذا اللي برفع يدي و ادعي ربي يرده لي رد جميلا

و بنت الناس بدعي ان الله يعطيها على قد نيتها

انا مدري عن نيتها لكن الله يدري عنها

و لا عاد بسأل فيها ولا ازورها ولا ادورها و لا تخش بيتي

لكن ولدي بقوله بيت امك متى ما جيت الله يحيك انت وعيالك

و ان عاد حتى قطعت عيالها عني مصير عيالها يسوون فيها ما سوت بي

و الله موجود بس انتي ارفعي يديك لله و اطلبيه

الا عقوق الوالدين بتشوفينه قدامك

لكن الدنيا ما تدوم على حال مصيرها تختلف معاه او يصير بينهم شي

لان اللي يمشي بما لا يرضى الله لابد و بيوم يختلفون

بهذاك الوقت تحلم تحلم تحلم اوقف في صفها ولا ائيدها ولا اسعي للصلح بينهم

و ان قالي بتزوج هذي الساعه المباركه بنفس اليوم ادور له حرمه و اتكلف بكل المصاريف

و اخليها بدال ماهي شاغله نفسها فينا حقران اشغلها بطبينتها

عاد تورينا كيف بتقلبه عليها زي ما قلبته علينا الذكيه

و لا تاخذني فيها رحمه ولا لومة لائم

اللي يقدم السبت يلقى الاحد

يعني معليش الطيبه و السلبيه ما تنفع في هالامور

مدري بس وايد ترا 7شهور ماتزوركم بدون سبب واخوج ساكت

انا عيالي احبهم يتربون مع جدتهم و عمامهم عشان يتعلم صله الرحم

حتى يوم بغيت اطلع بيت كنت ادور اقرب بيت لهم

يعني مهما شفتي حرام اقطع عيالي عنهم

ياختي لا تدققين وااجد واذا هي اذا زارتكم طيبه معكم خلاص هذا يكفي ويبدو ان ماعندهم عيال وتوهم في بداية حياتهم
اتركيهم الدنيا بتعلمهم وانتي اشتغلي بشي أهم
وربي يوفقك ..

كأنك تتكلمين عن مرت اخوي نفس الحال والوضع ماتطلع ولاتسال من اول ماتزوجت ولابينا مشاكل الحمدالله بس مجرد سؤال بس اقلها بس عن امي تسأل! ! ماعندك احد ،، مافيش لاتقدير ولأحترام لاهل الزوج ماقلنا نبغاها ليل ونهار معانا لكن اقلها عل قولتك لو مرة بشهر تطلع تسلم عل امي وابوي،، لاحياه لمن تنادي ولاحتي ترفع السماعه حشا عدوانها
لكن الله حسيبهم عل كل وحده تقطع علاقتها بأهل زوجها ،،راح يسألو عن صلة الرحم يوم القيامة