الي عندها بنات يدرسن تدخل مهم

ياربيه بهالعمر وعندهم عالسوالف

هلابك اختي بنتي بسادس ماعمرها قالت لي عن الروايات ولو قالت لي بفهمها انها مابها فايده بلعكس تخليها جريئه
الله يصلحهم ويستر عليهم الله خير حافظ وهو ارحم الراحمين بهزمن تخافين عليهم من كل شي

بناتي مايمسكون النت اي شي يبغونه اسويه لهم بلا روايات بلابطيخ خليها تقرا دروسها اول

انتي ليه تبغين بنتك مغمضه وماتفهم شي
عادي فهميها عن الاعجاب والحب وعلميها الحدود
وبالنسبه للروايات طول عمرنا كنا نقراها
خاصه بالمتوسط مابقى روايه حب او بوليسي الا وقريتها انا وصديقاتها
قمة وناستنا فيها وكل سواليفنا عنها
والحين انا بالجامعه وعاادي انا وصديقاتي كلنا اخلاق ومتفوقات ومتميزات
والله مافيه لاخوف ولاخطر
يعني قصدك تخافين انها تطبق الكلام اللي تقراه؟
هذا مستحيل
معناته حتى المسلسلات راح تقلدها
مو حلو تضيقين عليها كثير خليها تقرا مثلها مثل البنات
تخيلت نفسي مكانها بموت قهر تحرمينها من شي بسيط
واذا ع الافكار صدقيني مافيه خطر هذا حنا قرينا
مجرد استمتاع مع صديقاتنا وتسليه وصاارت ذكريات حلوه
ولعلمك وحده من صديقاتي كانت تقرى معنا وتحب الروايات كثير والحين صارت كاتبه للروايات
والثانيه تكتب روايات انقلش


عادي خلي البنت تعيش سنها وركزي ع اشياء ثانيه تنميها وترفع من مستواها وتجعلها متميزه

هذي مشكلتكم
استحقار بناتكم
وبعدين تقولون ليه بنتي ماصارت مثل فلانه
طيب ليه التشديد والتعقيد
خلو للبنات شوي حريه
صدقيني اللي اباءهم يغلقون عليهم اننا نشوفهم سواء بالجامعه والا بجمعات البنات
معقدااات وماتلقينها مبدعه
االا تلقينها مكسووره وشاكه بنفسها او متمرده ومن تحت لتحت تكلم شباب والسبب الانغلاق هذا


لكن فهميها الصح من الخطا وخليها تشوف الدنيا كلها ((مو الاشياء اللي انتي تختارينها لها))
عشان تصير شخصيتها قويه وبنفس الوقت نفسيتها كويسه تقدر تبدع