الي عندها بنت لها سنتين و3 اشهر تدخل

مصرقعة هانم :

بسم الله عليها ,, شوفي ياقلبي .. وديها للطبيب وخليه يكشف عليها واذا طبيعيه ارتاحي ,, نجي للعلاج .. اول شي الطفل لايحس انك منتبهه لقل نطقه ولا تتكلمين عن هذا الشي قدامه لانه حتى لو ما تكلم او نطق اذا يسمع زين فهو تكون عنده قاموس بمخه وفهم كلامنا وصار يعرف متى تتكلمون عنه واذا انتم متضايقين واذا تضايقتي سويتي ضغط عليه وممكن هو يضغط عليك اذا عرف نقطة الضعف عندك.. نجي للتعامل حبيبتي غني عندها داائما اناااشيد خفيفه والفاظها قليله وخليها زي اللعبه مع حركات وسويها معاها كذا مره باليوم وخليها تحاول تتعلم الانشوده هذي عشان تقولها معاك وترى بتقولها بلغه عجيبه غريبه لكن معليه هذا نطقها بهالسن يكون كانها جايه من المريخ ولا حرف بمكانه الصحيح ولا كلمه صح .. لكن انت بعد ركزي معاها وافهمي كلماتها عشان اذا قالتها لك حتى لو غلط تعرفين وش تقول .. مثلا تحب الدباديب .. عطيها دبدوب وقولي : الله دبدوبي حبيبي .. وكل ما شفتيه كذا .. مع الايام بتقول دبدوب صحيح بلغه عجيبه لكن احفظيها ولا تقولين لها " لا .. دبدوب " انتبهي تقومين لسانها بالنهي او النفي .. لااااا مثلا بدال دبدوب تقول .. بوووب ..كرري دبدوب باللفظ الصحيح كانك ما انتبهتي لغلطتها وهي مع الايام بيتقوم لسانها تلقااائي لكن انتبهي :1- لا تقومينه بالنهي مثل ما قلت لك يعني لا تقولين غلط اسمه دبدوب لااا ولا كانك سمعتيها تقوله غلط لان ببالها قالته صح ابتسمي بوجهها وكانها قالته صح وقولي ايوه صح دبدوب 2- لا تقولين كلمتها الغلط وتضحكين عليها وتخلينها تسلايه لك او لاهلك او لزوجك ترىى غلطات الاطفال جميله ونحب نكررها ونحب نطقهم لها لكن من الغلط اننا نكررها عندها بلفظتهم لانهم ما يحسون انهم اصلا نطقوها غلط فلا تقولين : بوووب زيها لاااا قوليها صح وهي بكيفها اوكي ؟ نجي للكلام كمليها زي الكبار لكن بكلام مفهوم وبسيط .. وشغلي عندها اناشيد اطفال يقوولون حروف الهجاء زي اناشيد المجد حمليها بجهازك ونزليها على ديفدي وشغليها لها داائما منها تتونس ومنها تتعلم .. وبعد الارقام .. لا تتوقعين منها الاتقان ولا تستعجلينها .. بنتي الكبيره وصلت لل3 سنوات ونص وهي ما نطقت الا ماما وبابا ..وتكلمنا بالاشاره .. ولانها نطقت بابا وماما عرفت انها تقدر تتكلم لكنها ماتبغى او ماعندها استعداد تتعلم مننا .. فالاطفال انواع تخيلي 3 سنوات ونص شفتي كيف كبيره تتكلم بالاشاره !! رحت سجلتها روضة اطفال ورحت للمعلمه وقلت :" ابغاها مستمعه بس وابغاه تتعلم من الاطفال اللي بسنها وتتكلم معاهم يمكن تتقبل التعلم منهم اكثر مني .. وصحيح اول ترم تعبت وتعبت المعلمه معاها لانها رفضت الاندماج وبس تبكي وضغطت على قلبي وقلت مصلحتها اهم وماشاء الله يوم شافت الجديه مني مشت معاهم وتكلمت ماشاء الله .. صحيح تاخرت على الاربع او الخمس سنوات بدينا نفهمها شوي لكن انطلقت مع اللي بسنها .. فانت حاولي معاها هذي السنه واذا لاحظتي انها ما تقلبت منك التعليم دخليها روضه مبكره

بسم الله عليها ,, شوفي ياقلبي .. وديها للطبيب وخليه يكشف عليها واذا طبيعيه ارتاحي ,, نجي للعلاج...