الي عندها جهاز الوربتراك او الدراجه الرياضيه الثاته ضروري ادخلو خاصه الي عندها اطفال

السلام عليكم ورحته الله وبركاته
كيفكم يابنات ياحلوات يادبيات <<مهب كنها خربت الاخلاق
اولا ابيكم تهنوني على سلامة ولدي :icon28: الي لولا رحمتي ربي اولا واخرا كان راحت ايد ولدي قسم بالله اني ماني مصدقه الي صار الى الان
يالله قدر الله وماشاء فعل
القصه اول السنين يعني من قرابة الاربع سنوات كان ولدي الثالث عمره سنتين وكان عندي ذا الجهاز الغبي او الدراجه
المهم انه كم مره حاول يدخل اصبعه في فتحت الدراه بس ربي ستر مع الوقت مليت منه وبلاصح خفت من انه يقطع اصابع ولدي صرفته المهم راحت السنين جبت ولد ثاني وكان الله يهديه حركي شوي وملقوف يدخل ايده في كل شي
عمر ولدي هذا سنتين وكنا رايحين زياره لاحد من الاقارب قبل لا نطلع من عندهم بشوي صار الي ماجاء على بالي انا وجهي احسب اني خلاص طلعته من بيتي ماعاد فيه خطوره ويعلم الله انه كان قدامي ذيك الحظه بس القدر كان اسرع
ماوعيت الا الي يصارخ في وجهي ويقولون :eek:ولدك انقطع اصبعه
انا دارت فيني الارض ماادري وين اروح لقطت الولد غارق في دمه وصرت اركض به من مكان المكان لقيت الباراده الماء البارد يسكن الوجع شوي الموت ان البراده مافيه ماء بالعربي خربانه لقيت مافيه الا المغسله قلت ابي اغسل ايده اتاكد اصبعه موجود ولا لا غسلته لقيت الحمد وشكر الربي
اصبرو ابي امسح دموعي تذكرت الموقف وجتني غصه :(:(
صرخت قلت جيبو لي مسمار ولا قهوه خل احطها على ايده وطلبت شرابه من احد البزران ابي اربط ايده (هذي اسعافات اوليه )
بلشت الحن ابي احد يودينا للمستشفى لانه يبي خياطه الجرا كبير شوي
وربي يرسل لي بنت خالي معها سواق قالت شوفيه عند الباب القطو الحريم ولدي وخذوه وغسلو ايده قالو الحين يبهذلون في تنظيف ايده وه مهب ناقص
الموقف المضحك ذاك اليوم بس ماضحكت عليه الابعدين لان الموقف ذيك الحظه يبكي مايضحك لبست عباتي انا وختي الي الله يعافيه وهي كل الوقت وهي شايلته عني المسكينه جلت يومين توجعها ايدينها
طلعت لقيت سياره عند الباب واني مقتنعت ان هذي سيارة سواق لانها فورد كراون فكتوريا:eek:
توي افتح الباب الا ورجال رزه مشخص قلت هو مهب هذا هو
طلع رجل بنت خالي ياخزيااه بس
شوي الاارجال جاء اقتنعت الحين لان معه جيب
رحت المستشفى اليمامه مته جاء الدكتور دب هنا ندفه دف هو الخكري الي معه طبعا طالب هذا المفروض مايصير دكتور هذا المفروض يبيع ورد في المستشفى
الدب هذا قام يفلي فلي في الجرح قسم بالله اني ماابالغ اولدي بدا يتصفط على السرير وهذا يفلي في جرحه الله ياخذه بعد العذاب الي جاء ولدي قال مااقدر اسويلك شي خذيه على الشميسي اتصلت على زوجي يجي يودينا لشميسي اولا لان السواق مهب ملكي اقعد اسحب في في شوارع الرياض ثانيا وهو الاهم انا وهو ماندل الشميسي
السالفه المريره الي صار ان زوجي خارج مدينة الرياض بقرابة 280 كيلو وين كاشت ماعمره كشت ابد مع اخوياه ويو بغيناه لقيناه كاشت يارب يسرها من عندك
اتصلت على الوالد الله يحفظه ويخليه لنا جانا مثل البرق لقيته واقف عند الباب قبل لااوصل والله ان بيت خالي اقرب للمستشفى من بيتنا بواجد الله يخليك لنا يايبه(والله اكتب ونا دمعتي على خدي حنا انجمع من ذا الاجهزه ونتركها عندهم)
وطيران على الشميسي طبعا بعد فرفره على البوابات ومن بوابه البوابه قالو عنده قطع في الاعصاب وكسر خفيف في عظم الاصبع ومحتاج جراح يخيطه خياط مزبوط ولا راح ينشل الاصبع
سترك ياكريم
جاء ابوه ودخل معه في غرفة العمليات الصغرى والله انهم معطينه ثلاث ابر بنج وماتسمعين غير مصارخ ومشاهق ودموعه بللت السرير الي هو عليه كانو يقصصون من الحم الي تقطع من اثر الصيده
خاطوه 8غرز تقريبا اكثر اصبع تاثر السببابه راح الا شوي وباقي الاصابه جروح بس اخف من الاول
واليوم له تقريبا10 ايام ولسه منتفخ اصبعه الله يكون بعونه
كنا كل شوي نوديه نغير له مره يفكها ومره يغسل بها اضطريت انا اغر له بالبيت صعبه كل شوي وحنا في المستشفى وهو مسكين صار يخاف من يشوف دكتور ولا ممرضه










معليش طولت عليكم بس ابيكم تشوفون حجم المشكله الي مريت بها والحمد لله انه وصلت الى الحد هذا ولا صار شي اكبر
انتبهو يابنات لعيالكم من السير من الجهاز الغبي هذا من اسكاكين من كل شي مساكين مايدرون وش الي يبي يصير لهم بعدين