الي عندها حل تساعدني

ايش قالت لك الدكتوره

نقصي وزنك
خلي اكلك ع الاقل ٨٠ بالميه صحي سلطات ايدامات خضروات
ورياضه بالاول مشي مشي مشي والله فيه وحده عندها حساب ف الاستغرام دايم تسوي تحديات لتخفيف الوزن واكثر من وحده ارسلت لها انها لها فتره ملتزمه معها وفجأه حملت

اي دكتورة راح تكتب لك جلوكوفاج للتكيسات
وراح ينزل وزنك معها وراح تحملين باذن الله
النحف سبحان الله يساعد على الحمل
واخذي معها حمض الفوليك
لاكن انتي روحي الدكتوره وشوفي شنو تقول

الله يكرمك بالحمل السليم التام الخلق والخلقه انصحك خذي القسط الهندي مرتين باليوم واشربي عصيرالاناناس الطبيعي وخففي وزنك وامشي بكثره واشربي ماكثيرمن تجربه لي كان عندي تكيسات وسويت هذي الطريقه وحملت

احس التكيسات بهالزمن صارت منتشرة وكثيرة وحمدلله كثير يحملون بعدها ..بتلاقين طرق واعشاب كثيرة..ودام انك حملتي من قبل فان شاء الله حلها بيكون بسيط.تابعي مع دكتورة وحاولي تخففي من الوزن لانه ضروري وبتلاقي نتيجة باذن الله .. العلاج طريقه صعب شوية بس انه مو مستحيل .. وبالنهاية الاطفال رزق من الله فلا تنسي تطلبي الرزق منه اولا واخيرا ..الله يسهلك يااارب


انا كانت عندي تكيسات وجلست ٤سنين تقريبا ماحملت..وزوجي ما يحب المستشفيات وكل مرة يقولي انتظري انتظري..ومشكلتي بس تكيسات ..لكن التكيس على المبيض ما يعطي فرصة للبويضة انها توصل للحجم المثالي للتخصيب تخرج صغيرة .. رحت دكتورة وكتبت لي جلوكوفاج اول شهر..ثاني شهر حلوكوفاج مع كلوميد وحمدلله حملت ..بس ربنا ما اراد وجاتني ولادة مبكرة وتوفت البنت..
انتظرت ٣شهور ولا حملت،راجعت دكتورة ثانية كتبت لي جلوكوفاج ومنشط اسمه فيمارا ..استخدمت الجلوكوفاج شهرين او ثلاثة وحملت بفضل الله (حملت ثاني شهر من المنشط مو نفس الشهر) وعرفت انه مشكلة التكيسات عندي بسبب الانسولين بالجسم لما اسيطر على الانسولين بالدم (لاني استخدم جلوكوفاج يخلي نسبة الانسولين قليلة) تصغر التكيسات والبويضة تكبر براحتها وتخرج .. والانسولين يصير بسبب الاكل الملخبط والسكريات والكربوهيدرات (نقطة ضعفي المعجنات والمكرونات والشبسات) من طرق المحافظة عالانسولين منخفض ممكن تتبعي الرجيمات المخصصة للناس اللي عندهم سكر وممكن تسوي كيتو ..كثيييير بنات يحملو بعد الكيتو لانه الكيتو يسيطر على الانسولين بالجسم.. اذا تبغي تعرفي اذا كان عندك لخبطة في الانسولين افضل طريقة كنت اكتشف فيها هي اني اراقب نفسي بعد كل وجبة طعام اذا جاني خمول وكسل ورغبة بالنوم على طووول اعرف انه عندي لخبطة انسولين..
لذلك تاكدي من السبب اول،وفيه طرق كثيرة تعالجي فيها المشكلة بعدين،وتلاقي تجاارب كثيييرة بالنت ممكن تفيدك..المهم لا تستخدمي كذا طريقة بنفس الوقت .. كل شهر او شهرين طريقة لما ربنا يكرمك 🌸