الي عندها خبره بمشاكل اهل الزوج تدخل وتساعدني

اختى يقول المثل اخواننا المصريين كثر الزن امر من السحر .... فحطى في بالج انه لو خليتى زوجج بالحاله هاى ... سوف ينبنى سور كبير بينج وبينه ... فحاولى تكسبي اهله ... اولا امه حاولى تسلمين عليها لو دقائق في التلفون ... صح اول مره بتعانين من الصد .. ماعليج استمرى وحاولى تطرشين لها هدايا ... خاتم او قطعة ثياب .. او عطر ترا الامهات يحبون هالسوالف ... وبتيلس تمدح فيج .... وخواته شوفى من هى اقرب وحده له ... وسلمى عليها وحاولى تكسبين صداقتها ... شوفى شو اهتمامتها ... اذا هى تحب التخفيضات اتصلى عليها واساليها عن وقت التخفيضات ... واذا انتى شاطره حاولى يكون لج اخبار من اى مكان فيه تخفيضات وخبريها عنه ... واذا هى تحب العطور حاولى تجيبين لها عطر مميز ...... يعنى بمعنى اصح بينى لهم انه نيتج طيبه وانج تبين تتواصلين معاهم باى طريقه .. وانج شاريتهم ..... بس شوفى مو معنى هذا تتنازلين عن كرامتج .... حاولى تلعبيها صح ... تمسكين العصا من النص ..... وشوفي ايام الجمع طرشي لهم رسائل دينيه ومغفرة.... ولو الفرصه سنحت لهم اعزمى خواته عندج والا اذا شفتى تجاوب من وحده فيهم سيرى لها في بيتها ......... صدقينى لازم يعرفون شخصيتج من احينه مو عشانج ........ عشان ريلج يتم وياج لانه اهله اذا استمروا بالقطيعه بيأثرون على ريلج ........ وعقب بتندمين ......... ولاتنسين اذا باجر يبتى عيال ...... ذولا اهلهم وعزوتهم وعماتهم ............. صفى نيتج وتوكلى على الله

مشكوره اختي بس المشكله اهل زوجي غير ماتعرفينهم شنو والله عملولي مشاكل ودوخني وانا خايفه على كرامتي واخواته شايفين حالهم
بحاول والله كريم مشكوره وماقصرتي
جزاك الله كل خير

الله يعينك وزوجك اذا كان غالي عند امه وخواته المفروض يغلونك من غلاته

مشكوره ام ديم والله كمان بقول كذا اذا هم بيحبون ولدهم طب ليش مايحبوني تخيلو بعد يومين زوج امه تكولي ابي ابني يعدل بينك وبين اخواته وكاني ضره مش على اخواته
والله تعبت
وانا عرضت على زوجي اروح عندهم بس هو يخاف منهم لايكون يسمعوني كلمه اونظره وهو يعلم بااخلاق اهله ويخاف يتفشل مع اهلي خصوصا انا واهلي ساعدناه بازمه ماليه مرينا فيها على عكس اهله ماساعدونه باي مبلغ مالي بالعكس حسهم فرحوا بشدتنا
وهم مو راضين يدخلولي بيت تخيلو مشكلتهم كانت معاه ومن صار صلح صالحو ابنهم ورجعوا معاه عادي الا انا مايطيقوني

الله يعينج وييسر أمرج ... المشاكل مع أهل الزوج والسلفات .. المشكلة الأزلية الي ما أدري متى بتنتهي .. نصيحتي لج دايما اذكري امه وخواته قدامه بالخير وخليج أحسن منهم وهو طبعا لازم بيعرف الفرق بينج وبينهم في النهاية