الي عندها شغاله تدخل تفيدني الله يرزقهاااا

انا معاك اختي ماحب اخذ الشغاله السوق ابد تراقب وعيونها طايره وبالنسبه للسفر خليها عند اهلك وللقومه الصبح علي حسب نظامك انت تصحون بدري عندك دوام حدديلها والاشياء الشخصيه لاوالله مني صدقه واجر وبالتوفيق

الاشياء الشخصيه احتسبي الاجر فيها خليها منكم اما السوق فلاااا نهائيا لأسباب كثيره اهمها بالنسبه لي ليه أخليها تطلع على اللي نشتريه وافتح عينها على حاجاتنا شرينا بكذا واخذنا بكذا تكون عارفه بكم نشتري من الفلوس بعضهم عيونهم قويه او تنقل لخادمات الاقارب انا اروح مع مدام وتشتري كذا وكذا هذا كله وش لك فيه نزليها عند اهلك وانتوا طالعين السوق او خليها في البيت اذا كان زوجك معاك وقفلي غرفتك وغرفة عيالك واي غرفه لك فيها اشياء خاصه.
اما متى تنام ومتى تصحى هذا حسب نظامكم في البيت اذا انتي تحبين تاخذين راحتك اول الصباح في بيتك بدونها حددي لها مثلا تقولين الساعه ثمنيه ونصف تصحين او تسعه والنوم حاولي قدر الامكان تنام بدري هي مو شرط تنام اهم شي تخلد لغرفتها
اما اللي انصحك فيه من تجربه انك متى ماخلصت اللي في يديها عوديها تروح غرفتها لاتقابلكم طول الوقت مثلا صلحت القهوه
وماعندها شي تسويه لاتقابلك وانتي تتقهوين خصوصا لما تكوني مع زوجك وعيالك
والنصيحه الاخيره اللي ضروري تعملي فيها وتتعودين عليها اي شي أي شي تسوونه من اطباق او حتى القهوه العربيه صبي لها
شوي والتمر حطي لها في صحن صغير بجانب القهوه انتبهي تاكلون شي ماعطيتوها منه ترا والله ماتسوى علينا يكون في نفوسهم شي علينا او على عيالنا بسبب اكل لأن هالشي يعتبرونه شي كبير عندهم خصوصا لو اندونيسيه مررره يهتمون بالاكل ويحقدون عاللي مايعطيهم من اللي ياكلون الله لايحطنا مكانهم ويرحم ضعفهم

البنات ماقصرو
اول ما تجي اشريلها ملابس البيت وملابس داخليه
وشباشب وحجابات وخلاص وبعدين اي شي اضافي هي تشريه
بطاقات الاتصال هي تدفعهن من راتبها
وخليهاتشتغل وقت نومكم اذا صحيتي
يكون كلشي مرتب ومجهز وتكون هي
بغرفتها وفهميها ما تطلع الااذاانتي ناديتيها
واهم شي زوجك ماتكون لهاعلاقه فيه. ابداااا
فهميها. اي شي تبيه تطلبه منك حتى راتبها
انتي سلميه لها وبعدفهمي زوجك مايطلب شي
منها اي شي يبيه يطلبه منك وغرفتك لا تدخلها. ابداااااااا
انتي كل فتره رتبيها ونظفيها

بالنسبه للطلعات والتسوق يعني هي نفس وتحتاج تطلع مو تجلس بالاشهر بالبيت
طلعيها معكم بس مو دايم بين فتره والثانيه خليها تغير جو بس خلي عينك عليها يعني ماتطق سالفه مع الخدامات بالسوق
انا حتى اشوف بعض العماله يعطونهم ارقام فانتبهي
واذا طلعتي اشتري لها عشا اذا تعشيتوو برا حالها من حالكم واحتسبي فيها الاجر
طبعا الاغراض الشخصيه الاساسيه تكون منك انتي ملابس مثلا 3 وملابس داخليه وشبشب وحجابين
ومستلزمات النظافه من معجون اسنان وفرشاه وشامبو وصابون ومزيل عرق مع موس وفازلين وفوط صحيه طبعا هذي توفرينها لها كل شهر لانه في بعضهم تجمع اذا شافات ماحد حاسب احساب
(طبعا انتي اذا شريتي شي من البقاله احسبيها مثلا بعصير بشوكلا بس اذا تبي اكثر خليها تدلل من راتبها اوو بطاقه تكلم اهلها
وفهميها انك ماراح تقصرين معها اذا شفتي شغالها زين
يعني بين فتره والثانيه كافئيها ببطاقة شحن او حاجات تحبها من البقاله
وقولي لها يوم بالاسبوع تكلم اهلها
طبعا نظام متى تصحى ومتى تنام هذا يرجع لكم
اذا في عندك احد يداوم الصباح لازم تكون صاحيه هي قبل ومجهزه الفطور وتبدا بالتنظيف
عطيها جدول ايش تسوي متى تكوي ومتى تغسل

السوق ممنوع منعا باتا ولا تفكرين تاخذينها نهائيا
يا ساتر من عيونهم وغير كذا الواحد يالله يالله ينتبه على عيالة عشان ينتبه ويراقب الخدامة
مو بس السوق حتى طلعاتكم بالسيارة مو لازم ترتز ابدا
الا اذا بتروحين لأهلك
والسفر نفس الشئ عند اهلك او جيرانك او اختك او اي احد
واغراضها الشخصية العقد يقول انه عليها
لكن ممكن تشترين لها شاميو وصابون وتقوليلها يقعد شهرين وقبل هالمدة عليك
وعحسب ظروفك اذا بالعافية تدفعين راتبها وخسرانه بجيتها وزوجك مديون لا طبعا يصير عليها