انا 3ورى بعض والصغير 6شهور والحمدلله بديت اتاقلم على الوضع وارتاح حتى النوم عودتهم لحالم اكبر شي بنتي 3سنين وصايره سنعه بيتي واطبخ مو مثل قبل احمل فيهم وبيتي كل يوم غسيل وتنظيف بس تركت دراستي ماقدر اوفق بين بيت ودراسه وزوجي يساعدني فيهم احيانا وانتي تطمني كلها شهر وترتاحين لان الحين الطفل صغير ويبكي من المغص

انا استخم لصقات احسن من الحبوب لاني مهمله مااقدر انتظم

بعدين انا الحين جبتهم ورى بعض وزجي يقول عشر سنين بدون حمل وسويت تجميل للمهبل وناويه اهتم بنفسي لاني ماافكر بالحمل وقبل كم يوم رحت لدكتوره بسوي ابر ونصحتني لانهن خطيرات وانتي فكري ان الحريم اللي يسولفون بعدين انتي مرتاحه وهن تعبانات

بنات لا تستغربون ان حريم اول يجيبون كثير
مررره الوقت اختلف مافيه مقارنه
زمن اول تخلفهم والشارع يربي ماعليهم خوف
والله امي تقول نطلع بالشارع وحنا بنات وطول اليوم نلعب
يرجعون للبيت مهدودين يدورون اللقمه وينامون
حريم اول ما تدرس عيالها ولا تتعب عليهم مثل الحين
والتربية كانت اسهل مليون مره من زمنا زمن الفتن
وحتى اهتمام الناس ببيوتها كان اقل
الحين الناس اثاث وتحف ولازم تنظيف والبيت يلمع وقل مناسبة البيت للأطفال
غير ان المجتمع ماصار يبي اطفال
زواج ممنوع اطفال
عزيمة مانبي اطفال
جيران عيب تنقلين عيالك
عزا دبري عيالك ماينفع تاخذيهم للناس
حفلة لا تجيبي عيالك الناس متكلفين ومايبون اطفال
حتى المطاعم المرتبة ممنوع دخول الأطفال او وجودهم بيكون مو مرحب فيه
تبين تسافرين مرره صعب مع اطفال
هذا نظام المجتمع للاسف غير عن اول لدرجة تنعزلين عن المجتمع علشان معك صغار او تضطرين لشغاله او اذا عندك احد من الأهل يمسك معك
حريم اول تزور وتروح وتجي وهي ماشاء الله تجر وراها خمسة كنهم فروخ بطه ههههه وعادي

انا بصراحة مرره اطول بين اولادي واحس اخذ وقتي واسترد عافيتي وهم ياخذون حقهم بالتربية
ومدام ربي كتب لك 2 ورا بعض خليك ايجابيه والحمدلله تعبهم مع بعض وماشاء الله زوجك متفهم وعادي عنده تطولين بعدهم فترة طويلة بس اذا دخل ولدك التمهيدي حلو تحملين عشر سنوات ترا كثير وانت بتتعبين ترا في الحمل والولادة والتربية من جديد كل ماطالت المده

انا جبت طفلين ورى بعض وعاذرتك يا قلبي بس فترة وتعدي

بمجرد ما ينتظم نومهم في الليل راح تتعدل حياتك لأن قلة النوم وتنغيص النوم هو اللي يجيب التوتر

اذا تنظم نومهم في الليل ونمتي كويس راح تقدرين تنظمين أمورك بإذن الله

وإذا كبروا راح تنبسطين معاهم وترتاحين اهم شي يتعودون على النظام من صغرهم علشان ما يصيرون فوضويين اذا كبروا ويتعبونك

الله يعينك ويوفقك اذا تقدرين تجيبين شغالة كل فترة تكوي وتساعدك يكون افضل بعد وبتمر الأيام سريعة