الي عندها طفل والثاني في الطريق تفيدني الله يسعدها

السلام عليكم ورحمة الله
بنات انا محتارة لمن اولد باذن الله في وضع سرير البيبي
انا عندي ولد عمره سنتين ونص ولمن اولد باذن الله حيكون عمره 3 سنوات
وينام معانا في غرفة نومنا بس في سرير منفصل جنب سريرنا ابدا ماعودته ينام في الوسط دايمن فوق سريره وهوا ملاصق ليا
للمعلومية هوا مو سرير اطفال بحواجز لا
سريره من ايكيا سرير مفرد صغير عادي بحواجز من الاطراف بسيطة جدا والجهة الملاصقة لسريري فيها حاجز بس ينشال عادي
واخدتو لاني فضلته عن السرير الصغير لانو ممكن ينام فيه لعمر 10 سنوات

المهم انا محتارة في سرير النونو الجاي
انا فكرت اشتري نفس نوع السرير هذا بس مني عارفة كيف احطهم الاتنين اخاف ابعد ولدي الكبير عني واحط سرير الصغير مكانو لانو حيحتاج رضاعة ونومه ملخبط بس اخاف ولدي يتاثر ويتعب نفسيا ويحس انو اخد مكانو البيبي الجديد
لانو شفت تجربة قدامي لوحدة قريبتنا جابت طفلين ورا بعض وقربت الصغير والكبير خلته تحت بس في نفس الغرفة وسار عنده تبول لا ارادي الى سن 9 سنوات انا ما اقدر اجزم انه السبب البعد بس العامل النفسي مهم لانو عضويا فحصتو كان سليم


المهم ابغى خبرتكم انتو ايش تعملوووو
ولا تقترحو ابدا اني افصلو في غرفة لحالو ابدا لانو حل غير مقبول عندي بتاتا قلبي الصغير لايحتمل بعده صراحة
ابغاكم تقولولي تجاربكم انتو ايش عملتو