اختي الغاليه اول شي ربي يحفظ ابنكم ويجعله من عباده الصالحين ثاني شي ترا كل اللي تقولينه شي طبيعي والاطفال يختلفون عن بعض اهم شي تكون الام صبووورره ولا تتملل بسرعه اصبري عليه شوي شوي كرري الكلام ولاتملين ولاتزهقين ترا الاطفال يخزنون المعلومات بذاكرتهم ولا ينسونها موشرط يتكلم ويكرر الكلام على طول بعدك في اطفال اكثر وقتهم ساكتين بس انتي ماعليه كرري الكلام وانتي مبتسمه وحاولي تلعبين معاه واذا كان يلعب لحاله تكون الالعاب لينه ماتعوره وبالنسبه للاكل في اطفال مايحبون تخلطين لهم شيين سوا زي قطعة دجاج صغيره مع رز او ايدام وخبز تحصلينهم يتفونها من فمهم هذا شي طبيعي توه صغير ياعمري وفي اطفال واجد كذا اهم شي شوفي وش يحب حاولي تنوعين له بالاكل ماتعطينه شي مكرر حطيله لالكل بصحن ملون قطعيله فواكه مثلا موز ولا تفاح واعطيه شوكه وخليه ياكل لحاله وخلي تحته سفره لو كب الفواكه يكون على مكان نضيف لو رجع اكل من السفره ما يكون فيه وسخ ترا الولد طبيعي وياكثر الاطفال اللي زيه واشد منه بعد بس اهم شي تطولي بالك عليه وتصبري ترا التربيه موشي سهل وانا اختك

كاانك تتكلمين عن ولدي عادي حالته طبيعيه بس الظاهر الاكل اخر اهتماماته ههههههه

بعمر ولدي فدييييتهم

ونفس حركاته بسم الله عليهم

وزي ولدي لسى ما يتكلم مرررره بدري عالكلام يعني حده ماما بابا اح ننه بس

والعض حدثي ولا حرج ياقلبي عليه كنت اخاصمه لما يعضني او يعض اخوه

لكن اكتشفت انه من الم الضروس توها تطلع وبتشق اللثه وتحكه عشان كذا يعض

اعطيه جزر وخيار يعضهم او عضاضه من الصيدليه

حاولي تتكلمي معاه حتى لو ما يفهمك او مايعطيك اهتمام

ترا سبحان الله الا مايجي يوم ويفهم عليك

انا كنت قبل كم شهر اقول لولدي حبيبي جيب لي المنديل وااشر له عليها

يروح يقش لي كل اللي بالصاله يجيبه ليه الا علبه المناديل

الان ماشا الله صار مع التكرار يفهم لما اقوله ويجيبها ليه

عادي مو من اول محاوله بيفهك ولا تحطون ببالكم انه فرط حركه والا توحد اعوذ بالله

هالشي طبييييييعي لانه توه نونو يعتبر

ولد اختك طبيعيى
ويمكن لثته من التسنين فيه شويه الم
اذا لا حظتي انه مره يضغط على اللثه اعطيه(( ٥ مل ))فيفادول عند اللزوم
وبالنسبه للاكل خليه يمسك ملعقه بيده يشغل نفسه وبنفس الوقت اكليه بملعقه ثاني
وفيه فيتمين ممتاز اسمه سانت ستول للاطفال بعمر السنه مدة اسبوعين واكله **** الله متحسن
بالتوفيق لكم جميعاً ..

حبيبتي واضح انه حركي ولا يحب يتعلم وهو جالس
ما اتوقع عنده فرط حركه وتشتت انتباه
هو بس مايحب يتعلم بالطريقة الاعتياديه
عن تجربه تبينه يتعلم تحركي معاه اشتري له الالعاب الي فيها حركه
عاميه اصوات الحيوانات وحركاتها بينبسط عليها
وتبينه يلعب خليه يلعب كوره والا يتسلق شي مرتفع والا يلعب نطنيطه والا العبو جري
وممكن وانتو تلعبون تعدين الارقام مثلا وانتي طالعه معه الدرج رددي واحد اثنين ...... وانتي نازله نفس الشي ومع الوقت بتلقينه يرددها
اخم شي لاتقارنونه بغيرة والكلام بيتكلم طولو بالكم عليه
ترا ولد اختك مثل ولدي على طول حركة وانا الحمدلله معطيته جوه واتحرك معاه يركض اركض وراه يلعب العب معاه لكن احاول وانا العبه انشد اعدد ارقام المهم مانلعب بسكات وبعد ولدي متاخر بلكلام لكن الحمدلله الحين تحسن كثير