الي عندها عيال في الأبتدائي تدخل

مساء الخير
حابه اتناقش معكم ونفضفض لبعض في قرارات وزارة التربيه وتعليم
المناهج المطوره وغثاها الي عقدتنا صراحه
ماتلاحظون منهج رياضيات صعب ودسم عليهم بنتي بثاني ومنهجهم صعب
ويوم كانت في أولى عقدونا بالقراءه البصرية!!!!
راح نص الوقت وحنا ناظر كلمات الدرس
وربي ابد مامنه فايده بس تعقيييد على الفاضي وأوراق عمل وحوسه مالها أخر
والعلوم الي يشوف كتاب نشاط اشرحي ووضحي وصنف
انا مادري الي طور هالكتاب ماحط في باله اطفال توهم داخلين المدرسه
مايعرفون الحروف شلون يبغونهم يكتبون
ولا يبغون حنا نحل عنهم هذا التطور بنظرهم
ورياضيات خامس حدث ولاحرج اكيد الي عندها عيال بخامس بتعرف التقريب والمعادلات
وقسم بالله المعادلات وأوجد قيمة س هذي كنت ادرسها في المتوسطه مع تطوير صارت تدرس للأبتدائي
ثم دخلوا الأنجليزي على رابع وشوفوا ويالله بعد كم سنه اذا ماصار يدرس من أولى أبتدائي
علشان ماندري حنا نحفظهم الحروف العربيه او الأنجليزيه
لو قعدنا على منهجنا القديم افضل بكثير
اشوف الي لحقوا على هالمناهج المطور
لاقراءه مثل العالم واخطاء أملائيه وربي زمان ايام مناهجنا
كنا وحنا في ثالث أبتدائي نقراء بطلاقه ماهو مثل جيل الحين
والأن هابين في برنامج حسن سلامات وش شايفين هالأطفال
كل شوي يجربون فيهم حاجه
قال أيش قال افتحوا على الموقع وتلقون نماذج للأسئله راح يختارون وتجي منها
لكن المضحك في الأمر انا كل ماده لها 30 نموذج
يعني في المنطق والعقل لو بحمل 30 ورقه للغتي و30 ورقه لرياضيات و 30 ورقه للعلوم
كم.طلعت هذي 90 نموذج !!!!!
خييير يبغون عيالنا يتدربون على 90 ورقة
ويوم قالوا لي ان كل ماده لها ثلاثين نموذج انسدت نفسي ومافكرت ادخل واحمل
لأنه ماراح يتعب غير هالأمهات يعني حنا ماعندنا مسؤليات بيت وعيال
يوم كل شوي مطلعين لنا قرار يحسبون حاطيين رجل على رجل
ننتظر هالقرارات الي ماشوف لها فايده ابد غير تعقييد عيالنا وتعقيد اهلهم معهم
وربي كرهونا في المدارس
طيب سؤال ليش حنا مانقدر نعترض او نتكلم مو معقوله مافيه حلول
ماقول الا الله يعيين وربي ضايق صدري احس كرهت هالمدارس

يالله جاء دوركم فضفضوا وكمان أبش الحل