الي عندها غسالة صحون ويرلبون تعالي شوفي مشكلتي مع غسالتي

السلام عليكم بنات حواء

حبيباتي انا عندي مشكله اواجهها مع غسالة الصحون حقتي هي ويرلبون
مشكلتي اني من فتره صارت تطلع عندي حشره غريبه في المطبخ وشوي الاقيها في البيت لكني وقتها كنت واثقه ان مكانها الاساسي بالمطبخ لكن من وين تطلع ماكنت عارفه بالضبط
قبل اسبوعين جتني وساوس انها ممكن تطلع من غسالة المواعين من وين بالضبط مادري بس قلت شكلها منها لاني في الغالب الاقي هالحشره بجهت الغساله فقلت يمكن منها جت عبقووووووووره الي هي انا قلت ليه مااستخدم حاجه تعقم لي الغساله من جوا يمكن تكون جوا الحشره وبكذا اكون قدرت اقتلها واطهر الغساله بالمره خاصة ان لي فتره صايره ريحة المواعين لما اطلعها منها ماهي عاجبتني مثل زناخة البيض فيها قلت بس تصير نضافه وريحه وتعقيم
وماجا ببالي غير العملاق الاخضر وطبعا انا كنت كريمه وكثرت منه تقريبا ثلاث ملاعق حطيتها بمكان الصابون وقفلها وبنص الغسله قلت بشوف وش صار وافتح الغساله وياوووووووووووووووويلي لقيت الدنيا رغاااااااااااااااااااااااوي والريحه تصرع الطير بس تعجبني ريحته بس خفت انها تمسك بالمواعين بعد كذا تعرفون فيه نسبة بنزين وصراحه هالشي خطير المهم خلصت هالغسله وقلت اعيد اغسلها مره ثانيه بس بالماء وغسلتها ثانيه وثالثه وعاشره وعشرين وظنتي مية مررررررره وكله مره اختار نظام غسيل غير مره على درجه 40 ومره 60 ومرات 70 وكله وهي بوسط معمعة الغسيل افتح الغساله الاقي فيه شوي رغاوي وصراحه مادري وش هالرغاوي هي الحين مره خفيفه لكن مادري من وين هل هي من اثر العملاق الاخضر والا اثناء الغسيل ومع ضرب الماء تطلع الرغاوي


بتقولون وش المطلوب

ودي واحده عندها نفس الغساله تشغل غسالتها فقط ماء وتختار النظام 40 درجه وبوسط الغسيل واثناء ضرب الماء تفتح الغساله وتشوف فيه رغاوي والا لا يعني هل هالشي طبيعي او لا
تعتب من الغسيل على المجلى وانكسر ظهري ودي ارجع للغساله بس ابي قبلها اتاكد الله يفرج لها دنيا واخره الي تساعدني النظام الي اخترته اقل نظام وماياخذ وقت بس نص ساعه

انتظر الاخت الي بتساعدني الله يفرج لها والي ماعندها ياليت ترفع بس الموضوع من جد تعبت