الي عندها غسالة ملابس بمجفف تفيدنا مشكوره

لا لا مانصحك فيه

انا اشتريت هذي الغساله بعد تردد وسؤال كان عندي غساله بحوضين وخربت وكنت ابغى غساله مريحه .....لها عندي سنه وشهرين تقريبا ...وكل ما اجي اعبيها ملابس احمد الله لانها ريحتني كثيير  ..بعد ما تخلص غسيل ..اخليها تجفف بعد ما اشيل الالبسه الي ما تتحمل الحراره ...تخلص التجفيف بسرعه اذا الملابس قليله  ...وتحتاج وقت اذا كانت قطنيات كثيره ...تخلص تجفيف واطبق الملابس على طول وهي حاره واشيل الملابس اللي تحتاج كوي ...ما اقول تكوي زي المكوى لكن تخفف ..
اخذتها ب2500ريال
بالنسبه لي ارتحت لها كثير...
صحيح انها تطول ...بس احاول اني اغسل اول باول ...وهذا اللي كان مخوفنيي منها ...بس صرت ما ادري الا وهي مخلصه...يعني الوقت عندي مهو مشكله
امي دايما تستخدم الغسالات اللي تعبا من فوق والمجففات المنفصله ال انواع الامريكيه هي افضل من حيث انها تستوعب ملابس اكثر ومفارش كبيره ...والوقت فيه خيارات بوقت اقل....والمجففات فيها انظمه جديده وحلو بالهوا البارد والساخن 
بس انا بيتي صغييير وميزانيتي ما كانت حلوه يوم خربت غسالتي



يعني هذي تجربتي ..وانتي جيبي الجهاز المناسب لبيتك وميزانيتك وراحتك

وبالتوفيق

تسلموا حبيباتي على الرد شكلي ببطل منها وباخذ مجفف لوحده 

عندي غساله ال جي الاماميه تنشيف حراري 100% ممتازه الحمدلله
ماشاء الله تبارك الله
والله اطبق الملابس وعلى طول على الدولاب


طبعا شاشه الكترونيه وبالعربي سهل مره استخدامها

وانا بعد عندي نفسها ماشاء الله عليها صارلها عندي 4 سنين مافي اي كلام عليها