الي عندها فكره عن مشاغل الخرج

وانا أضم صوتي لصوت أم سلطان عندنا زواج بعد شهر


ومانعرف احد يسوي مكياج في الخرج

اللي تعرف تقولنا

أم سلطان ممكن ترسلين لي ارقام المشاغل اللي انتي كاتبتها

وهل مكياجهم حلو ؟

هلا حبيبتي موج المشاعر
فيه قرايب لي جربوا نصف القمر وشفت الكياج عليهم بس ماعجبني تحط بودره كثير يعني تثقل كريم الاساس كانك حاطه جبس
رسمتها للعيون حلوه ..يمكن فيه الغير جربها وعجبته والله مدري الناس اذواق
اما ليلتي ماقد احد اعرفه جربها بس في الشعر يقولون تضبط
اما جاره القمر المدح عليها ولاقد جربتها وخبرك خبري هناك يعجبهم المكياج الثقيل
وبالنسبة لي محتاره ودي بوجهات نظر ثانيه
ياليت يابنات الي عنده فكره عن هالمشاغل او غيرهم يبلغنا

موج المشاعر بالنسبة لللارقام باسالك وارسلهم لك

أم سلطان الحقي لقيت وحده يجنن مكياجها في الخرج

أسم مشغلها بيت الجمال واللي تسوي المكياج فيه كويتيه أسمها أم فيصل

مكياجها مرررررة حلو ماركة شارمل

عسى بس مايكون خلص عرسكم :)

جيتكم بنقذكم ..

بس بشرط ادعولي ..

امزح معكم حبايبي يا خوفي تدعون علي ..

شوفو انا جربه شخصيا شغل ام ريان في مشغل اسمه بنت السلطان حلو بصراحه للي تحب المكياج الثقيل وتحط لك تدرجات بنفس فستانك بس بصراحه شغلها ممتاز وهي كانت تشتغل في الرياض لكنها تعاقدت مع صاحبه المشغل وكسبناها بصراحه .. وتعمل لك مكياج اليسا اذا حبيتي . بصراحه ما شفت في الخرج افضل منها لحد الان كان فيه وحده في مشغل حواء كانت تجي من الشرقيه والله شغلها روعه بس سافرت وسالت المشغل عنها وقالو فيه اختها نفس شغلها بس ما جربت اختها ..
وفيه عندك نواعم وحده اسمها مريم برضو مكياج ثقيل بس ما جربتها ..

نجي للمشاغل الي قلتو عنها . اما بنسبه لجاره القمر بصراحه ما شفت مكياجهم بس صديقتي شافتهم وهم يضعون مكياج على وحده ما مدحتهم تقول طلعت كانها جنيه ووصفت لي كيف يضعون المكياج يثقلونه مرره ولا يعرفون يتحكمون في العين فاذا كانت العين صغيره يكبرونها بل غصب ..
اما بيت الجمال انا اعرف ام فيصل والله انسانه ذوق بس ما جربه مكياجها بس ممكن تكون جايبه ماركه شارمل لان الصبغات الي عندها تجيبها من الكويت وفيه عندي صديقه متزوجه من قريب تقول مكياجها من بيت الجمال بس بصراحه مو ذاك الزود بس ما ادري اذا كانت هي ام فيصل ام وحده من عاملاتها ..
ونصيحه غير هل مشاغل الي ذكرتها لكم لا تروحون اسالو مجرب لان الخرج ما فيه مشاغل تفتح النفس وشغل راقي الا قليل وما قلت لكم الا المشاغل الممتازه بل خرج والله يوفق العروسين ويسعدهم و يسعدكم خواتي ..
واي خدمه انا حاظره :26: :27:

هلا قلبي موج المشاعر شاكره لك ردك وبحثك الدؤوب :D
بالنسبة لبيت الجمال حابه اسالك انتي جربتيها او احد من معارفك
وكيف طلع المكياج عليها؟؟يعني كان تماام والا طالع بزيادة
يعني تثقل المكياج ويبين انه ثقيل والا عادي محد يلاحظ
ولا لقيتي او سمعتي عن مشغل زين ردي على طووووووول عساني ماعدمك:24: :26:


الراكده
هى والله بالمغيثه
اجل مرشحه بنت السلطان ومشغل حواء ونواعم
باليت تقولي لنا عن اسم الي تسوي مكياج بهالمشاغل
وكيف مكياجهم يقيل مره يبين والا عادي
والمكياج صلحتيه عندهم والا وحده من قريباتك او معارفك
ياليت تفيديني بكل الي تعرفيه عن المشاغل
شاكره لك ردك الي يريح:26: :24: