السلام عليكم ورحمة الله وبركاته
ياحوائيات ياجميلات ابي اطلب منكم بعد الله المساعده المهم انا مشكلتي مشكله هي انه كان فيني الم في المفاصل واهملته لاني كنت احسبه برد داخل فيني او مثل كذا المهم كانت الوالده الله يخليها لي يارب تدهنها بزيت دافي او كريم فولتارين حق العضلات وبد فتره زاد الالم وصار مكان المفصل منتفخ شوي وحار وبعدين صارت فيه ورمه مثل المويه بس خفيفه ماتبان بس توجع وتخيلوا مارحت المستشفى بسبب انو فيني مرض بالعضلات وهذا السبب ونسيت اقولكم انو معاي ارتخاء بالاعصاب والعضلات ويوم شافني دكتور الاعصاب قال هذا روماتزيم وحولني على الروماتزيم وبعد الاشعه والتحاليل قالوا لازم نسحب عينه من مويه الكوع وتم بحمد الله اخذ العينه بسلام بغيت اموت من الوجع وبعدها اكتشفوا ان عندي روماتويد المهم عطوني علاجات كثيره شي للمعده وحديد وحمض الفوليك المهم اني مااكل منها الا علاج كيميائي اسمهmethotrexate 2.5MG وعلاج مسكن اسمه mobic 15MG واول شي جابت نتيجه بس الان رجع الحال مثل اول واسوا وش الحل يابنات الدكتور يقول لازم تصبري لان هذا التهاب حاد مايروح على طول وانا لي الان 7شهور على هذا الحال والحين جاء الشتاء وماادراك مالشتاء تصدقون يابنات صرت اكره السرير بسبب الوجع الحمد لله على كل حال
بس بغيت اسال الي عندها تجربه اني اشتري المره الجايه حبوب اقوى من الي عندي او استعمل شي انتم مستعملينه علموني وافيدوني الله يسعدكم ويوفقكم ولو بدعوه ترفعون فيها الموضوع
انا عارفه قصيت عليكم قصة حياتي لاني ابي احد افضفض له بس مافيه غيركم وارجوا انه ماينحذف موضوعي لين يردون عليه واسفه على الاطاله
a7la flawer @a7la_flawer
عضوة نشيطة
يلزم عليك تسجيل الدخول أولًا لكتابة تعليق.
الله يشفيك اختي فيه موضوع عن الرومتيد حاطينه البنات في نفس القسم ارجعيله ان شاء الله تستفيدي واتمنى من الله العزيز القدير ان يشفيني ويشفيك وجميع مرضى المسلمين
السهيميه
•
ادخلي تجمع < حياتنا حلوه رغم الروماتويد> مسوينه هنا البنات في القسم هذا واطرحي مشكلتك وهناك راح يساعدونك
الصفحة الأخيرة
بس لا تاخذين اي شي بدون علم دكتورتك
والله يشفي الجميع
الله أكبر الله أكبر الله أكبر لاإله الا الله
أستغفرالله.سبحان الله.الحمدلله.لا لإله إلا الله .الله أكبر
اللهم صلي وسلم على نبينا محمد وعلى آله وصحبه أجمعين
اللهم أجعل الفردوس سكن لي ولوالدي ولمن قال آمين