السلام عليكم ورحمة الله وبركاته
بنات ليه المنتدى معاد مثل اول كان مثل هالوقت يكاد الحضور يتجاوزالمئات
بكثير بالايام العاديه يعني ايام مدارس ناهيك عن ايام العطل يكاد الحضور يتجاوز الالف بكثير
والمواضيع لا يوجد لها متابعه كم صفحه على كم رد وصل الله وبارك
حتى الحضور تغيرت نوعيتهم الحين تحسين من ردودهم انهم بنات صغار
تعرفينهم من ردودهم الصاروخيه الا من رحم ربي وعلشان ماكون متحامله عليهم
يوجد خوات لنا فعلا صغيرات السن كبيرات القلب والعقل تتمني تتواجدين معهن
وتتمتعين بالحديث معهن ومحاورتهن حتما سوف تخرجين بمحصله
جيده من سعة الصدر والوناسه
البعض منا يحسن مجالسة الناس على اختلاف اجناسهم ومشاربهم
انا اذا سافرت احب واحرص اني اجلس مع اهل البلد البسطاء واتحاور معهم وبرضه استمتع مع الطبقات العليا من القوم واذا جلست مع كبار السن كنت منهم
واذا جلست مع المراهقين برضه صرت منهم اتكلم كلامهم واستعمل مفرداتهم
مره قال ولدي يمه انتي خويي مانتي امي بس اذا طلع عن الجاده لقى كمختن على راسه
حتى الاطفال العب معهم لعبهم --تعرفون لعبة الحبشه يستمتعون لما العبها معهم
واذا جلست مع الحريم الي مثل سني برضه اعطيهم واعاملهم بمثل مايناسبهم ويناسب اهتماماتهم
وولد اختي يقولي ياخاله ليه ماترشحين نفسك لمجلس الشوراء
عزالله كدينا خير ياحليله ولد اختي قلت له ترا خويلتك ماتحب الاعلام ولا الاضواء ولا الشهره
وهاليومين حمد وشكر طايحتن باتويتر اسولف واوسع صدري مع الناس الطيبين
واغرد من هالدرر الثمينه---- ام الثقه ماعليه خلوني احلم ههههههههههههه
صايرتن احلى من الكناري بتغريداتي اييه هين
قايله لكن اني متقحطره من البرد والمنتدى مايشجع موب مثل
اول كان هالوقت يلعلع ماشالله محاورات ومناقشات والموضوع
تتجاوزصفحاته العشرات
قلت مادام العيال كبرت وصارعندي وقت فراغ طويل وراي
ماوسع صدري بشئ يفيدني ويفيد غيري قمت وسويت تغريده اعلن عن مواهبي بالطبخ
وبرضه ارسلت بالواتس اب برود كاست لكل من يعز علي وطلبت منهم انهم مايبخلون
علي وينشرونه للي يبي خدماتي بهالمجال وماشالله الله يبارك لي ويبارك علي ماقصروا الاجواد
عاد انا علمتكم وش الي يوسع صدري علموني انا سويت شي صح يعني هالخطوه الي
قمت بها تنفع ولا اكنسل ام المشروع
وانتن حبيبات قلبي وش تسوون علشان وقت الفراغ ادري بعضكن ماعنده وقت فراغ
بس لوكان عندك وقت فراغ وش تحبين تسوين
ترا هذا للمناقشه وابدا الرائ علشان البنات يستفيدون
يالله لك الحمد كما ينبغي لجلال وجهك وعظيم سلطانك
يلزم عليك تسجيل الدخول أولًا لكتابة تعليق.
حمد و شكر
•
اكثر من خمسين درعموا وطلعوا ولا رد ليييه ياكافي بالخاطر شي
ما شاء الله عليك الله يفتح عليك ان شاء الله حلوه طريقتك بس بقولك شي يخليك تحسي بركه بنفسك واهلك ان يكون الي ترسليه خالص لوجه الله لا تستحقري اي شي ترسليه في قلبك قولي لوجه الله ممكن الوصفه تفك ازمة اخت لك يعني خلي كل شي لله الله يبارك بوقت فراغك وينفع فيه المسلمين
ما شاء الله عليك الله يفتح عليك ان شاء الله حلوه طريقتك بس بقولك شي يخليك تحسي بركه بنفسك واهلك ان يكون الي ترسليه خالص لوجه الله لا تستحقري اي شي ترسليه في قلبك قولي لوجه الله ممكن الوصفه تفك ازمة اخت لك يعني خلي كل شي لله الله يبارك بوقت فراغك وينفع فيه المسلمينما شاء الله عليك الله يفتح عليك ان شاء الله حلوه طريقتك بس بقولك شي يخليك تحسي بركه بنفسك واهلك...
وش حمد ما هي مره
الصفحة الأخيرة