السلام عليكم
اختي حابه تسجل ولدها اول ابتدائي بمدارس العزيزيه الي بالخبر قسم بنين وولدهادرس تمهيدي وروضه بمدارس الظهران
رجاء الي عندها ولد بالعزيزه ابي رأيها بصراحه بالمدرسه وبالتفصيل الممل لو سمحتوا لانها متردده تطلعه من الظهران او تنقله
وأهم شي من ترشحون لي أفضل معلمة في أول يكون تأسيسها ممتاز
أنتظر ردودكممممممم
Dana4u @dana4u
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
بعدين سجلت ولدي أول ابتدائي في العزيزية بصراحة وفقت في معلمة عسسسسل تجنن الله يحفظها لو أمدح فيها من هينا لين بكرة ما اوفيها حقها اسمها مس مها عايديه شي مو طبيعي تأسيسها روعه وتعاملها مع الاولاد شي خيالي ولدي الحين بثاني حتى لما رحت اختار له معلمه لثاني راح وسلم عليها وطلب منها تدرسه بصف ثاني متمسك فيها ويحبها وهي تعزه هم تاسيسهم صراحه مممتتتتتتتتتتتتتتتاز يعني على مستوى الشرقيه هي ومدارس الجامعه والظهران توب طبعا انا حاولت اسجل ولدي بالظهران والجامعه بس ماحصلت لي والحمد لله انها ماحصلت لي انا راضية عن العزيزية ويكفي ان الطاقم المدرسي نسااائي يعني تتواصلين معهم وتكلمين المعلمة بالجوال و ولو حصل اي شي أو شكوى تروحين بنفسك مو تعتمدين على الرجال الي مايوصلون الي بنفسك
عموما أنا اعرف ان مدارس الظهران مره قويه وممتازه لو حبيتي تنقلينه ويحافظ على نفس المستوى اختاري مس مها هالانسانه راقيه بكل شي بتعاملها مع الأولاد ومع الأهل انا لايمكن انسى كلمتها لما رحت لها الاسبوع الأول وقلت لها ولدي مايعرف يقرا الكلمات كويس قالت لي وانا ليش موجوده هينا مو موعشان أعلمهم مع ان فيه معلمات في مدارس ثانيه مايقبلون الأولاد الا اذا كانوا متعلمين كل الاحرف في تمهيدي !!
يعني من جد هالمعلمه الله يجزاها خير أسست ولدي أحسن تأسيس وغير كذا حببته بالمدرسه والدراسه ولدي الله يحفظه كان لما يدخل للبيت على طول يقول أبي ادرس قراءة وأملاء وكان متمكن من القراءة والأملاء بفضل الله ثم هالمعلمة الرائعه وللأن يذكر القواعد الاملائيه الي كانت تعطيهم ويقول مس مها معلمتني في أول كذا .. يكفي أنهم في كتاب القراءة اثناء القراءة تبين لهم قواعد املائيه من باب التثقيف والاطلاع وتحددها لهم على الكتاب ..
والله اني أدعيلها دايم الله يذكرها بالخير وترى هذا رأي كل اولياء الامور فيها سبحان الله تحسين انها مخلصه بعملها يكفي حرصها كانت تدق علي وتشجعني اخلي ولدي يشترك بمسابقة القراءة والاملاء ... ماظن فيه معلمة تسوي الي كانت تسويه الله يجزاها خير
انا اقول هالكلام من باب قول النبي صلى الله عليه وسلم : { من لا يشكر الناس لا يشكر الله عز وجل }
اتمنى اني افدتك وعطيتك صورة مفصله حسب طلبك .. وبالتوفيق