الي عندها ولد عمره 8 او 9 تدخل بليز

الله يحفظه لك ويقر عينك فيه

وتفرحين فيه يارب


والله ياقلبي بكره يكبر ويعقل ان شاء الله

ومالنا غير الصبر _________>والله كل الاطفال كذاا

سواء صغير ولاكبير عندهم نشـــاط زايد الله يحفظهم


ونصيحتي لك دخليه تحفيظ قرآن وان شاء الله يهدأ

حاولي انك تخففين الضررب عنه لأنه بيـــزيده ولاينفع تررا

:eek:غير تعقــــــــــد نفيسته زيادهــ ذوول هم العيال كذااا

خليه يروح للمسجد مع ابووه ولا ووصيه يرووح مع عيال الجيران

يلعب كـــــــــووره وترا لما ينشغل بتخف عنه الشقاووه

وربي يجعله من الصالحين البارين لك بس زي ماقلت سووي

كذا

وياليت تدعيلي بظهر الغيب ان ربي يحفظني انا وذريتي وزوجي

وشفاء الوالده


استغفر الله العظيم من كل ذنب عظيم

لاإله إلا الله محمد رسول الله

لاحول ولا قوة الاباالله العلي العظيم

أختي انا ولدي نفس وصفك تقريبا , بس أشوف انه طبيعي لأنك ماتدرين من يعاشر في المدرسة وعيالنا رابين على سوني 3 وتلفزيون , بس بقولك نصيحة مني لاتكبرين الموضوع, ولدي كانت حركته فضيحة من صغره (مايقر) الله يصلحه ويفشلني عند الناس مغير يمعط شعر هذا ويضرب هذا ويتلفظ الفاظ مدري من وين يجيبها , ومره شافته صديقتي وشافت طريقتي معه قالت ترى الولد كذا منك من دخل علينا وانتي تراقبينه وتراقبين تصرفات الناس ونظراتهم له طنشيه (مب بمعنى لاتادبينه) بس قصدها خفي شوي عند الناس واذا رحتي للبيت عاقبيه , والله الحمد لله تغير كثير عن ذيك الحركه (طبعا السن له دور) , و لاتتكلمين عنه عند الناس بانه حرك وعطيه الثقه (عارفة الكلام سهل والتطبيق صعب) وانتبهي من الضرب لأن الضرب مايجيب نتيجه ابدا,والله اني الى الان اعاني منه بس اذا ذكرته اول اقول الحمد لله, وترى بعض العيال فعلا عسر وتربيته صعبه ,ادعيله وادعي ان الله يعينك على تربيته .و بس الله يعينا عليهم ويرزقنا برهم ويصلحهم ويهديهم

جزاكم الله خير على هالردود

و الله يصلح ذريتي وذرياتكم اجمعين

آه لا تشكي لي ابكيلك انا عندي ولد الله يصلحه ٩ سنين موريني نجوم القايله انا وابوه
الغريب ان الناس تسألني وشلون ربيتي ولدك ( على اساس انه مؤدب) والله انه الله يصلحه مره عسر بس ماادري ليش بس انا وابوه اللي نشوفه شقي جداً والا الحمدلله المدرسين يمدحونه ( مع انه كم مرره تصير مشاكل بسب الكوره لأنه حماسي جداً)
بس بشكل عام اشوف الناس تثني الحمد لله عليه وحنا نشوفه اشقى خلق الله
مايسمع الكلام بسهوله لازم اعيد الشي مليون مررره وبالاخير اهدد وعسى يسمع
٢٤ ساعه خناق مع اخته اللي اصغر منه ويطق فيها وذيك يصب الصوت والصراخ ليما ينفجر راسي
والله اليوم عجزت حتى اصلي منهم لدرجة صرت ادعي ان الله يهديهم بسجودي الصلاة وهي الصلاة يتعبوني فيها كل واحد يجي
ويقول يمه شوفي فلان وش سوا الله يصلحهم بس
والله لا يحرمنا الذريه الصالحه والله ساعات كثيره اقول اذا ربي غفر لي ذنوبي بابتلاء فهو بهالولد الله يصلحه ويهديه يارب 

اختي حاولي تقربيه منك وتمدحينه دائما واعطيه مكافآة.