الي عندهم اطفال اقل من 6سنوات كيف تنظمون وقتكم

حبيبتي انا عندي طفلة وحدة بس بقولك نصيحة من خلال تجربتي الزوجية البسيطة

حاولي تعودي نفسك وأطفالك على النوم بدري والأستيقاظ بدري وكدا بتتنظم حياتك وراح تخلصي شغل البيت بدري وكدا بيصير عندك وقت للأشياء الثانيةوعليك بالأستغفار يسهل أمورك أن شاء

جيتي عالجرح....

انا عندي بنت ماكملت سنتين...

والحين حامل...وشايله همها مرررررررررررررة..

مشكلتي انها تمشي معي مثل ظلي...حتى لو بادخل دورة المياه وانت بكرامه...تجلس عند الباب لما اطلع.....

ودوام زوجي طويييييل...يعني مقابلتها طووووول اليوم...
مدري كيف اعودها...وافصلها عني شوي...

انا عندي طفلين واحد 3 سنين وواحد سنه ونص ولاعندي شغاله
مالنا نظام نومنا حوسه طبعا اول مااصحى اغسل ملابس اغسل لو كان بالطمبخ شي اركب قهوه اصلح لهم رضاعات واغير لهم واجيب قهوتي واجلس
اذا صار دوام زوجي صباح ركبت غداه لو كان مساء يكون فالدوام واجلس انا وياهم اقفل كل شي وحاطه العابهم بالغرفه الي اجلس فيها كمبيوتري والتلفزيون وكل شي
نجلس هم يلعبون والا اشغل لهم تلفزيون واذا قرب ابوهم يجي زينت اكله وقمت وكنسست ورتبت يعني طول الوقت ماارتب اخليهم يشبعون لعب وحوسه بس وقت ماحتريه يجي اقثوم واكنس واللبس واشغلهم التلفزيون يشوفونه
احط اكله والا قهوته ويروح ينامم يصحى يجلس عالتلفزيون وهم معنى وقت النووم انومهم اذا نامووو رحت ونمت وبعض الاحيان اصحى الاقيهم بجمبي جايين اما اذا بغيت اطلع من البيت ياسلام قمة المعاناة طبعا مع هالبرد الغساله 24 ساعه تشتغل اجهز اغراضهم واحطها بالمجلس عشان لاتنحاس الغرفه وافصخهم واحط الملابس على طول بالغساله و واللبسهم تلبيسهم طبعا اقل شي ساعتين مابين صياح ونياح وهذا اخذ قبعتي وهذي بجامتي وياماما مابي هذي الجزمه وييماما ابغى اللبس زي اخوي والا يستفرغ من الصياح ونغير من جديد ويالله اما الاكل اعطيهم حليب واطبخ وجبه وحده فاليوم لنا وياكلون معنا وان جاعو اعططيتهم خبز وجبن او بطاطس او اي شي بسيط مااطبخ لهم شي خاااص واذا بنطلع ناخذهم معنىىىى بالسياره اناشيد ينسجمون اساسا اول مانركب ينامووون واذا مطعم معنى نجلسهم ونعطيهم يزعجونا بس عاد وش نسوي مالنا طلعات خاصه
طبعا متبهذله جسديا وضهري ذابحني وكل يوم علاجات ومهمله نفسي بس مرتاحه نفسياااا من هم الشغالات ومشاكلهن
واتمنى القا حلول ارتب واحسن لتنضيم الوقت بينهم وبين ابوهم فكرت ادخل ابو 3 سنين الترم الجاي روضه بس رحمته اعطوووني مقترحااات ومشكووره عالموضوع

ياقلبيه ياسحورة....كانك تتكلمين عني...بس انا بنت وحدة...

الثاني في الطريق ان شا الله..

طيب وباقي شغل البيت متى تسوينه..؟؟؟

انا بنتي مستحيل تلهى بالعابها عني...تلاحقني في كل مكان..

احيانا اعطيها رضعتها..واروح اتوضا للصلاة...

ماادري الا هي لاحقتني بالوسادة ومنسدحة عند المغسلة وتكمل الرضعة..

بالله هذي وش اسوي معها؟؟؟

وطبعا المطبخ مستحيل اروق عليه...لازم معي الوفد المرافق...

ماتخلي صحن ماتطلعه من مكانه...ودولاب البهارات حايسته حوس...

اذا انعفس بيتي..وصار غير صالح للاستخدام الادمي...جبت شغالة اهلي..وخليتها ترتب اللي تقدر عليه..

ولو انها ماتبرد قلبي..بس احسن من بلاش...

واذا نامت احب اروق عالنت واتفرغ لنفسي شوي...

احيانا امل من النت..وادور لي شغله...

وعلى قولتك الغساله تشتغل 24 ساعة....ولا الحق بعد..

الله يعييين ..

الله يعنكم
وان شاءالله كل شي باجره

اليوم
بغيت انهبل منهم الله يهديهم الولداروح اوديه الحمام
والبنت الصغيره
تبكي والرضيعه بس تستشعراني موعندها تقعدتشغل الصفاره حقتها
وهذا وشغاله تساعدني لوماعندي وش بسوي الله يعين والله شايله همها وخاصة ابوشباب معزم مايجيب خدامه اذا راحت