الي عندهم 2 واكثر ... دخلوا ساعدوني دخليكم

السلام عليكم ورحمة الله وبركاته

خواتي انا لي من 4 ايام وهذا ثاني ولادة لي ..
فرق بين بناتي سنة و9 شهور ...

المشكلة يا خواتي اني كله متضايقة واصيح وقلبي على بنتي البكر .. احس اني ظلمتها ...
بنتي وايد تغار وملعوزتني وايد ويا اختها ... صارت انسانه ثانية ...
وانا والله قلبي ينفطر كل ما اشوف حالتها جذيه ..
مع انه عندي حد يساعدني عليها بس بعد فترة الليل مافي حد ايكون معاي وزوجي مو موجود على الاقل يرفع معنوياتي ..

وكله اخاتي وافكر كيف بربيهم مع بعض وكيف بتكون حياتنا بعدين ... وكيف اتصرف عشان ما اقصر في حق البنتين ؟؟؟ اهتم في منو اكثر ؟؟

بنتي البكر كيف اتصرف معاها واخليها تحب اختها واخليها تسمع كلامي ؟؟

والله يا بنات تعبت وايد من التفكير ..
وكله افكر كيف الي عندهم 2 واكثر ...

كيف كان شعورهم مع الثاني ... وكيف تعاملوا معاه .. وكيف ربوهم مع بعض ....

حالتي النفسية ما يعلم فيها الا رب العالمين ...

طلبتكم بنات ساعدوني ولو بدعوه حلو بظهر غيب انه ربي يسخر لي بناتي ويريح لي قلبي .. ويمشي اموري مثل ما اتمنى ويحقق لي كل مبتغاي يارب ..

وانه يبعد عني كل اكتئاب النفاس ... وارتااااااااااااااااااااااااااااح نفسيا يا رب