الي عيالها يدرسون بمدرسة أهليه والي حكومية تدخل وتقول الفرق والمميزات والسلبيات !!

مشكورة اختي اانا اقبل الرأي وفعلا للأسف حنا المسلمين ومعنا التعليم فاشل جد بعكس الدول الاجنبيه

انا مع الاهليه وخصوصا الي المعلمين فيها مصااااريا يدرسون بضمير
اما الحكوميه البنات نوعين من المعلمات ياااعجوووز متخرجه من 30 سنه مالها خلق تشرح والا وحده شايفه نفسها وتصررخ عالبنات وتستعرض بلبسها وهذي الاغلبيه الا من رحم الله الي فيهن الخير ينعدن عالاصابع ووين وين تلقينهم
والاولاد المعلمين السعوديين اغلبهم ماهمه ويداوم نص الدوام وهذي العينه كثيرره فانا افظل الابتدائي خصوصا يكونون بمدارس اهليه علشان يتاسسو ن صح لان الاهليه الغالبيه شباب وشابات ماجاهم تعيين وبعز عطاااءهم ومتحمسين للتعليبم

عيون مغفصه باااااااااارك الله فيك رأي جميل فعلا كل كلمة قلتيها 100%

انا الي يعجبني بالمدآآآآآرس الاهلية عندهم اهتمام باللغه الانجليزية بيرفكت

المدارس الحكومية لازم تختارين لك مدرسة مبنها حكومي ونظيف اما التدريس افضل من الاهلي وفيه معلمات خبرة وثابتات ما يتغيرون كل اسبوع زي الاهلي ..
ويهتمون بتدريس ويركزون على الحفظ والاملاء وحل الواجب يعني تاسيس صح عكس الاهلي

واذا يتدخلين عيالك مدارس اهلية لازم تكون من المدارس الكبيرة مثل الرواد ورياض نجد ودار العلوم والعليا وغيرها لانهم يهتمون بتدريس ؟؟

اما باقي المدارس الاهلية وخاصة اللي مهي معروفة ما يهتمون بتدريس والمعلمات كل شوي يتغيرووون ..
بنت اختي كانت تدرس بمدارس اهلية بس مهي كبيرة بالترم الواحد مدرسة العربي تغيرت 6 مراااات واختي تعبت معها با الاملاء والحفظ وما يهتمون با الغياب ...


مرة رحت اقدم على مدارس اهلية صراحة يوم دخلتها استغربت كيف الاهل يدفعون فلوس بمدارس مبانيها عشش وفيها وصاخة وقرف ...
ومرة دخلت مدرسة اهلية مريت على فصل كانت المعلمة مصرية تشرح الدرس للثاني ابتدائي وهي تقطف ملوخية ...

بس تبين الصراحة احلا ما في الاهليات تدريس الانقلش ...