الي عين زوجها عالتلفزيون او عالمجله...او بره....!!!!!!!ادخلي!!!

السلام عليكم ورحمة الله وبركاته
اخواتي الحلوات لا تفهمون العنوان غلط ترى الموضوع نصائح بس عميقه شوي
بصراحه شفت كثير اخوات يشتكون من نظرة ازواجهم لجميلات التلفزيون واغلفة المجلات فقمت سنيت اسناني وجبت الاسلحه وقلت نتعاون ونقتل هالنظره المهم ما اطول عليكم عندي افكار رائعه ومجربه ونتيجتها مضمونه ........
اولا : النظافه في الفم والجسم وعدم اغفال هذي النقطه لانها مربط الفرس ولا مانع من استخدام معطرات الفم ( ريقليز اكسترا وحلويات النعناع ) وبالنسبه للجسم لا تهملي البخور الخفيف ودهن العود والبودر ومعطرات الجسم والكريمات وخصوصا اللي فيها قليتر خفيف لانها تجذب اذا انحطت عالجسم .وفي من بودي شوب وايت مسك فيه لمعه على ذهبي روعععععه..لونه وريحته..
ثانيا : الملابس الحريريه مفعولها قوي جدا لانها تعطي نعومه للجسم الساده منها والمشجره بالوان فاتحه كلها رائعه بالبس وصدقيني هي المفضله عند الازواج,والقصير والمشخلع..والفتحات الي بالصدر وعلى الارجل..عند الزوج بس!!
ثالثا : العطورات لا تبخلي على نفسك بالعطورات بالبيت وخصوصا اللي رائحتها خفيفه مثل كوكو شانيل وكالك فلور او اللور او لوليتا وغيرها من العطور المميزه والناعمه وصدقيني مهمه جدا جدا العطور .
رابعا : الكثير من الازواج يقولون لزوجاتهم اكره الماكياج ... صدقيني الزوج يقصد ماكياج السهره الصارخ فلا تغفلي عن الماكياج بالبيت يعني اي شدو وردي وكحل بطرف العين وملمع للشفايف بدون استخدام ارواج لانها تحسس الزوج انك مبهرجه فاستخدمي الملمع الساده او اللي بلون برونز او وردي فاتح لان اللمعه تجذب . واقري موضوع المكياج الذكي في ركن المكياج..موضوع حلو..
خامسا : لابد من تغيير تسريحة شعرك يوميا يعني يوم ربطه ويوم بندانه ويوم ملموم ويوم مفكوك ويوم زيني شعرك بفراشه او ورده او كلبات ملونه.او حتى شرايط وكذه.....
سادسا : لا ادعوكي لمطاردة صرعات الموضه ولكن الزوج يرى بعض الاشياء الغريبه يضعونها النساء بالتلفاز
لا مانع من ان تضعيها بالبيت كتغيير مثل الكريستالات اللي توضع على الانف (زمام ) او على الصدر اذا لبستي قميص نوم مفتوح صدره عشان يحس انه مافيه شي جديد بالتلفزيون عن اللي زوجته تسويه ..ان ترسمي على صدرك او على خدك ..او وضع اللصقات على الصدر..
سابعا : بعض النساء تخجل من مناداة زوجها بكلمات حب وممكن تضحك لو جات تقولها لانها مو متعوده ونصيحتي هي اذا وقفت الكلمه على لسانك وما عرفتي تنطقينها فتذكري انه يسمعها بالتلفزيون بجميع اللغات واللهجات ويتمنى يسمعها منك فاعطيه هذا الاشباع السمعي..ويوم تكلمي معه لبناني ويوم مصري ويوم انجليزي,,وصدقيني بيحب هالتغيير الغريب,,
ثامنا : لابد من تدعيم جميع ما سبق باقوى سلاح واللي هو مثل الماسكرا ما يكتمل الماكياج الا فيه الا وهو
النعوووووووووومه في الشكل والصوت ...شوفي حليمه بولند..وهيفاء وقلدي لزوجك..
حتى لو كنتي دبدوبه او ضخمه او شينه او او او صدقيني اذا نعمتي صوتك ومشيتك بتصيرين شي ثاني بنظره .
تاسعا : الثقه ثم الثقه ثم الثقه اذا مشيتي قدام زوجك امشي بثقه وتكلمي بثقه لان الرجل ما يحب المرأه المهزوزه
واعطائه هذا الانطباع عنك سيجعله يقول في نفسه لو ماهي جميله ما كان وثقت بنفسها كل هالثقه .
( حتى لو جسمك مو حلو امشي وانتي رافعه راسك وواثقه من نفسك
عاشرا ( الابتسامه اول ما يرجع من العمل ) لانها تعطيه انطباع انك مسالمه بهذاك اليوم فتهدأ نفسه وتبرد اعصابه حتى لو كان ناوي على هوشه بيهون عنها ..


ارجوا ان هذا الموضوع مايكون مكرر...........
لانه للامانه منقوووووووووووووووووول....مع بعض الزيادات من عندي..