الي فاتحة محل غير نسائي كيف تديره ضروري الله يسعدكم<<<<<<<<<<<دخول

للرفع

السلام عليكم ورحمة الله وبركاته والله حرام لي ساعه ونص واكتب وبالاخير انطفى اللاب توب لعدم الشحن وكتبت اسطر كثيرة جدا بس راح اعيدها الان

بالنسبة لمحل المعجنات فارباحه تتجاوز 80%
المعدات اللي تحتاجينها اثنتين
الاولى
العجانة
الثاني
الفراده
سعر العجانة حوالي 3500 ريال وهي نفس اللي بالمنازل بس تكون كبيرة جدا يعني 100 كيلو عجين

الفراده <كيف اشرحها وادري راح تضحكون بس ماعليه
الفراده اقرب مثل لها تعرفون اللي في افلام كرتون اللي تفرد العجين وما الى ذلك هي هي وتكون مخصصة للفطاير وسعرها حوالي 700 ريال

العمالة روحي لاقرب محل فطاير وهم يجيبون عيال عمهم ولابد من نقل الكفاله
الادارة صعبه شوي تعرفين هلله داخله وهلله طالعه لانها عجين وعندك طريقة حلوة للاداره المحاسبة
الفواتير واطلبي فطيرة من اقرب محل معجنات واطلبي معاه الفاتورة وطبقي مثلها يعني نسختين نسخه تكون مع العامل الخاص
والنسخه الاخرى تكون مع الزبون والفطيرة تجهز بعد عشر دقايق يعني لازم يعطونة فواتير وعندك الفواتير مرقمة يعني وين رقم كذا ووين كذا وهذا افضل حل للجرد وعدم التلاعب بس لعلمك مع الايام لابد من نقل كفالتهم ولو تدفعين 10000 ريال لنقل الكفاله وتراها مو خساره لان نقل الكفاله تحد من السرقة ومن التلاعب يعني بالعربي تخنقينهم ومايقدروا يتحركوا او يروحوا لشخص اخر وافضل العماله الاتراك وبس
بالنسبة للرواتب
راتب ونسبة افضل طريقة
يعني قولي لهم مثلا 1500 ريال مبدئيا ومعاها نسبة 1 بالمئة من المبيعات الشهرية ومع الشهور تزيدي لهم النسبة بس حاولي ماتتجاوزي الخمسة لانها كثيرة
يكفيك مبدئيا فتحه وحده
الفرن يكلفك من عشرة الى 15 الف
يعني المحل كله على بعضه يكلفك 50000 ريال مع نقل الكفالات وكل شي وطاولات وكراسي ومغسلة وفرن واجهزة سواء عجانة او فرادة
والمبلغ ذا يعني مدلعه المحل اخر دلع وبالنسبة للاجهزة تلقينهم حول كبري البطحاء

ماقصرت اغلى ماعندي

بالنسبة للادارة عندي رقم شخص كان يدير مقاصف مدرسية لمؤسسة، يمكن تستفيدي من خبراته في الادارة، والتعامل مع العمال. والرواتب وخلافه

بالتوفيق يارب

up

عطيتك أغلى ماعندي الله يجزاك الجنة ويرزقك من حيث لاتحتسبين انا عاجزة عن شكرك من جد كفيتي ووفيتي