الي في بريطانيا تدخل للافاده فضلا وليس امرا((فضلا ضعي استفسارك في موضوع بريطانيا))

السلام عليكم اخواتي
عدت اليكم بشوق كبير بعد انقطاع طويل خارج عن ارادتي...
اخواتي احنا لنا انتداب عمل لزوجي في لندن وانا بصراحه اول مره باتغرب في بلد اجنبي
عموما عندي كم سؤال الرجاء افادتي من مجربات وساكنين في بريطانيا
انا عندي خادمه فلبينيه مسلمه وودي اخذها معانا ينفع ؟وايش الاجراءات الي لازم اسويها وكم تستغرق اوراقها الين تجهز من السعوديه؟
والسؤال الثاني:انا احتاج اتعلم لغه ونفسي اتكلم انجلش بطلاقه ولا اخجل كيف اقدر اتعلم واستفيد وانا في لندن طبعا ولا ابي الي تجي بالبيت لان اعرف وحده ماستفادت من هالطريقه؟؟؟
والسؤال الاخير : اقدر البس العبايه السودا والطرحه والنقاب الاسود او على الاقل البس عبايه سودا وطرحه ملونه مع نقاب اسود؟؟وكيف مع الشتاء والثلوج والمطر العبايه ماتتبلل بالمطر والوحل وتشورون عليه افصل عبايه للمطر والوحل تكون اقصر شوي عن الباقيات يعني لنص الساق والبس عليها بوت ؟تأيدوني؟

والي جربت الغربه ولقت نفسها نست اشياء مهم وتحسفت انها ما اخذتها من السعوديه تخبرنا ...علشان تكسب فينا اجر....:)