مراحب ...
كتبت لكم قصتي وقهري قبل ثلاث اسابيع وكنت بحاله انهيار وقهر عظيم
http://forum.hawaaworld.com/showthread.php?t=2323913
والحمدلله ربي هون علي كثير كثير
واللحين احس اني افضل بكثير
بديت استرجع الماضي وافكر
صرت اقول ياليت وياليت واللحين ماعاد تنفع ياليت ..
ولما فكرت واسترجعت لقيت انه كان فيه علامات غريبة المفروض اني انتبهت لها وحطيتها بالاعتبار ..
هنا كتبت لكم بعض العلامات اللي المفروض اني فكرت بها قبل
http://forum.hawaaworld.com/showthread.php?t=2303186
اول شي اني يوم كنت بشهر العسل كان يشرب قدامي بس كان خاش بعيني يقول عصيرهم لذيذ ..
طبعا انا اتفاجات وانصدمت بس ماادري كنت اشك انه شي غلط
كان ملون واللي كان يشككني انه كان ربع الكاس بس يصبون له
وهذي الحركة شفتها بالافلام للخمر ؟؟
المهم
جينا من شهر العسل ماعاد شفت اي شي
لين بعد ست شهور كنت حامل
وتهاوشت انا وياه وسافر لدبي
وفجاة صار يرسل لي رسايل واضح انه مب طبيعي يقولي انتي ماتعرفين حجمك وانتي بطلقك قريب و و و و
يوم قريتها انهرت لان بينا حب عظيم على قولته هو .. يقول اننا نحب بعض حب خيالي وعشت الدور انا
المهم جا وماكان فيه شي يحير
بعد ماولدت بشهرين .. لاحظت انه تعرف على شلة جديدة صار يسهر كثير
صار ينزلني للبيت ويقعد هو بالسيارة وقت عشر دقايق ويرقى بعدي
صار لاجته اي مكالمة لو 3 بالليل قام وطلع
مرة وراني حبوب عنده لونه بيضا صغااااار مااذكر اسمها بس قريت فيها حرف الاكس ..
قالي هذي حبوب تجنن للراس لانه هو عصبي ..
يقول هي الوحيدة الي تريح راسي بس حسبي الله على صيدلياتنا ماتوفرها .. قلت منين لك قال جايبها من برا واحد من اخوياي
المهم صار ياكل منها قدامي
هذا اللي يخليني مااشك ..
لين جا مرة قال بيسافر .. وكنت انا وياه عازمني باوتيل ..
المهم اكل وحدة وقالي تبين قلت ايه ؟؟ انا يقالي بشوف اذا عطاني معناها مهب شي واذا عيا يعني فيها بلا
المهم عطاني وحدة واكلتها ..
وقالي وين الورقة حقت الحبة القصديرة ..قلت رميتها قال لا هاتيها ويدور يدور لين لقاها
ويطلع يرميها بزبالة السشارع ..
...
سافر ولما جا كان معه بعلبة موية صحة شي لونه اسود يشربه
كان باقي على رمضان يومين .. قمت اخذتها وكبيتها بشم ريحتها بس مالقيت شي .. ولا ريحة
...
عادي جا دورها مالقاها ماتحمسلها ... طنش
...
اخر الايام بيني وبينه كان متعرف على شلة الدمار اللي هم قلت لكم عنهم الناس الراقين من الطبقة الراقية امراء ومدري وش سالفتهم ..
كان يسهر سهر خيالي تخيلو مايجي الا 8 الصبح
وهم طالع من الظهر ..
واحيانا ينام برا البيت
واذا دقيت يعصب ومرة بغى يطلقني عشاني دقيت قلت وينك
وكل ماجا ولاه معصب ...
ويهاوش ..
ويشرب شاهي كثير
وبندول 24 ساعة ..
وقطرة بروزلين ماتفارق جيبه ابد ابد
ولا اعواد الاسنان ..
...
الحبوب فجاة رجعت
صار يقول اهلي والا انتي والا العمل لاعصبوني اكل حبوب
تفاجات انا
قلت اي حبوب قال ماغيرها الي قبل
بس انه ماوراني اياها
كان لاتهاوشت معه طلع يدور بالسيارة او انه يقعد فيها مدري عنه بس مايطول ربع ساعه اكثر شي ويجي مروووووووووووق
غير اللي طلع ..
وعيونه دايم حمر ..
ومرة كنا طالعين ولما رجعنا قال اطلعي فوق شوي واجيك قلت ليه ؟؟ اول مرة اتجرأ واساله
قال بروح لواحد اعطيه ورقه ..
اثره يابنات يكذب لانه ماامداه
بس طلعت فوق خمس دقايق وجا
ورااايق كان
..
يابنات يصارخ علي ويطلع
عشر دقايق ويرجع يقول اسف ويبوس راسي
وامحي كل الكلام الي قلته لك
تخيلو بنات صرت الاحظ بس غباء ماتكلمت ولا واجهته . لانه مرعب
كان لاجا دخل المجلس وقفل الباب خمس دقايق ويطلع
لا جا يروح يدخل المجلس برضو خمس دقايق ويرجع
ماادري ليه ووش كان يسوي
بس مرة دخلت عليه وبغى يذبحني ..
قال خليك عند الباب لو قربتي خطوة راح يصير لك شي مب مرضيك
هو عنده شنطة طول الوقت مقفلها ومايرضى احد يلمسها او يطل داخلها اذا فتحها
عاد يوم ادخل ويصارخ علي كان فاتح شنطته بيطلع منها شي وانجن يوم دخلت
يقول باخذ اوراق وبطلع
وطلع من المجلس مامعه ورق ولا شي
كان شي داخل جيبه اكيد .. :(
بنات هذا اللي لاحظته ..
بس مادري هل هذا ادمان ؟؟ هل هو يتعاطى شيي ؟؟
بالذات انه جندي
وفجاة قالي بطلقك وجدعني عند اهلي مع اني مثل ماقلت لكم ماسويت له ولاشي
ولا عاد سال عني لا انا ولا بنتي ..
وجا مره لنا بعد ماكلمنا شهر عندهم
قال انا لازم اطلقك وانتي مالك ذنب ومدري ايش ..
يقول غصب عني انا فيني عين انا مب طبيعي ...
ماخش مزاجي هالكلام
قلت يمكن انه طاح بالادمان وبيوخرني عن وجهه عشان ماافهم ؟؟؟
مدري
بس يابنات قولو لي وش رايكم بتصرفاته ؟؟ الكلام ملخبط ادري
بس انا لي شهرين عند اهلي وادور سبب لوجودي هنا وامس فجاة تذكرت كل هالاحداث وانقهرت قلت يمكن راحت علي ولا فهمت ويمكن اني متهمته وهو مب كذا ..
المشكلة انه لاجا من برا مااشم فيه ريحة ابد
بس مرة وحدة وقام وفرش سنونه .. ورجع
ايه بعد نسيت اقولكم لاحظت شي :( لاحظت انه فجاة صار عنده ضعف وعدم رغبة .. مدري هذا له دخل والا لا ..
الغلا 123 @alghla_123
عضوة فعالة
الي كان زوجها مدمن او تعرف علامات الادمان تدخل بقولها اللي شفته وتعلمني تكفوووووون
136
217K
يلزم عليك تسجيل الدخول أولًا لكتابة تعليق.
الغلا 123
•
up
هذا اكيد مدمن وانت المفروض تخافي على نفسك وبنتك منه واحمدي ربك انه ما عندك الا بنت بس وما تدبستي بأكثر الله يفكك منه
يارب رجع لها زوجها وسخره لها يارب وشافيه واعفيه يا أرحم الرحمين انك على كل شيء قدير
اللهم آآآآآآآآآآآآآآآآآآآآآآآآآآآميـــــــــــــــــــــــــــــــــــــــــــــــــــــــــــــــــــــــــــــــــن
اللهم آآآآآآآآآآآآآآآآآآآآآآآآآآآميـــــــــــــــــــــــــــــــــــــــــــــــــــــــــــــــــــــــــــــــــن
يارب رجع لها زوجها وسخره لها يارب وشافيه واعفيه يا أرحم الرحمين انك على كل شيء قدير
اللهم آآآآآآآآآآآآآآآآآآآآآآآآآآآميـ ــــــــــــــــــــــــــــــ ــــــــــــــــــــــــــــــ ـــــــــــــــــن
اللهم آآآآآآآآآآآآآآآآآآآآآآآآآآآميـ ــــــــــــــــــــــــــــــ ــــــــــــــــــــــــــــــ ـــــــــــــــــن
الصفحة الأخيرة