والله ماعاد ندري وش نستخدم الله يعيننا

نانا نوسة

لجين حياتي

يعطيكم الف عافية راح اجربها بنفس الطريقة لكن يصلح بعدها استشوار والكريم افضل من الزيت؟؟

ردو علي متحمسة

سلام خواتي..

توني اليوم طحت على هالموضوع :) و يا ليتني طايحة عليه من زمان..

كنت قاعدة ادور في المواضيع اللي تخص الكشيش اللي من الصعب السيطرة عليها <----- نفس حالة كشتي يعني..

و كنت بيني و بينكم خالصة و مزيته شعري بخلطة بذرة القطونا للاخت ريماس...

فقلت خلاص .. خليني اجرب هالخلطة بعد عقب ما اطلع من الحمام..

طبعا للعلم انا استخدم شامبو بخلطة الاخت حور الجنان <---- من فوقي لتحتي خلطات في خلطات :) عشان بس تعرفون حجم المعاناة اللي اعانيها مع كشتي..

المهم.. زيتنا و غسلنا و خلصنا.. و رحت على خلطة النشا.. اللي استخدمها اليوم لاول مرة في حياتي..

و بصراحة يا بنات.. الخلطة شيء... شيء .. شيء لا يوصف من الروعة و الفاعلية القوية اللي بينت من اول استخدام :)

باقول لكم شنو نوعية شعري بالضبط.. شعري مجعد تجعيدات غير طبيعية.. و ملفلف و مفلفل و جااااف جااااف لابعد الحدود.. غير انه في الفترة الاخير كان مقصف و منتف و حالته ما يعلم فيها الا الله.. خاصة اني كنت استخدم الفرد الكيميائي و قررت من سنة تقريبا اني خلاااص.. اتوقف تماما عنه لانه دمر شعري تماما.. و احمد ربي اني ظليت صامدة .. لحد ما الله بعث لي هالخلطة السحرية...

على فكرة بنات.. انا امس قصيت شعري قصة قصيرة جدا .. قريبة للبوي.. عشان اتخلص من معظم الشعر التالف من التمليس.. لكن عقب ما نشف شعري صارت لي كشة كبيررررررة و حتى تفشلت من زوجي :o و تمنيت الارض تنشق و تبلعني انا و كشتي مرة وحدة و تستر علي..

بس اليوم غير غير غير غيررررررر... قصتي مبينة عدل و طالعة امورررة.. مع انه شعري قصيرررر...و شعري مو ناط و لا طاير ابدددد...

اقول لكم النسبة المئوية للتحسن .. تقريبا 70% الى 75% ... و ان شاء الله راح استمر عليها لاني ما ابي ارجع للتمليس الكيميائي...

فيه شيء حبيت اضيفه بعد.. بنات انا ترى صار لي فترة شانة حملة تغذية و علاج لجفاف شعري.. تقريبا من شهر و نص .. فبصراحة ما اعرف لو كانت النتيجة اليوم لكل الخلطات اللي كنت اسويها من قبل و الا بس لهالخلطة.. عشان لا تقولون اني ابالغ :)

بس شيء واحد ودي اعرفه من اللي استخدموا الخلطة عدة مرات.. هل تخف التجعيدات مع الاستمرار؟؟ و هل فيه امل انها تختفي تماما؟؟ لان تجعيداتي و لفاتي من قدام لحد نص الراس اختفت تماما و صار شعري حلووو و ناااعم بدون اي تجعيدة تذكر.. بس من ورا فيه للحين تجعيدات تتراوح بين المتوسطة و الخفيفة.. بس ودي تروووح :( فهل فيه امل انها تختفي؟؟

عموما هذي تجربتي الشخصية حبيت انقلها لكم بأمانة و بدون مبالغة ..

و الله يوفق كل وحدة في طريقها للقضاء على كشتها :D خخخ

و اي سؤال انا حاضرة..

up

اللي تقول هل فيه امل من انو التجاعيد او التطعيجات تروح مع الاستمرار

احب اوضح واقول بأن هالخلطه او بالاصح بلاشي نكبرها ونقول خلطه
لانو النشا بطبيعته يثبت ويجمد بسرعه فهو كالكريم مؤقت يعني راح يعمل على اخراج الشعر بشكل مرتب ومنسق فقط
وانا راح اجربه بس اعتقد الكريم اللي تستعملونه لازم يكون خفيف موثقيل ويلبد الشعره يعني زي بالمرز اتوقع ممتاز
ومنتجات صانسيلك
وبجرب ولاصار عندي وقت بككتب لكم التجربه