السلام عليكم ورحمة الله
مرحبا اخواتي موضوع نزلته بمنتدى ثاني وحبيت انزله هنا لحبي لعالم حواء
اخواتي الغاليات اليوم بطرح موضوع مهم جدا يمكن قد قريتوه من قبل لكن ابي اقوله لكم من جديد لتذكير
ما اعرف ازين الكلام ابي ادخل بالموضوع على طول
لكل ام عندها بنت كبيره كانت او صغيره
الي كل بنت باقي ما تزوجت ومقبله على الزواج
اخوات كل بنت نهايتها تبي تكون ام وزوجه ومسؤوله عن بيتها وبيت زوجها حتى لو درسة واخذت اعلى الشهادات وحتى لو توظفت باعلى الوظايفه
وبناتنا الحين بذا الوقت مافي اي مسؤوليه عليهم ما يتحملوا اي مسؤوليه الا لمنهم تزوجوا وقتها تعاني وتدخل بمشاكل هي وزوجها وام تزين امورها وتتسنع او تترك بيتها وترد بيت اهلها محتاره وش تسوي
طبعا الي الحين ما فهمتوا علي وش اقصد الي اقصده ان اغلب البنات معتمدات على امهم او على الشغاله الي في البيت ما تعرف ابسط امور ومسؤوليات البيت
تاكل وتشرب وتنام لا تعرف طبخ او ترتيب او تنظيف او تزين او اي شي من الامور الي بس تتزوج تبي تلقى نفسها مسؤوله عنها
تحسب ان الزواج هو بس لبس وتزين ومكياج ودلال ودلع وبس
وان صار عندها طفل توهقت زود لانها ما تعرف وش المفروض تسوي او وش تعمل او او
والله يا بنات كثثثثثثثثثثير بنات بعد زواجهم بشهر شهرين توهقوا وصارت بينهم وبين ازواجهم مشاكل بسبب عدم نظافتها في بيتها او عدم اهتمامها في مسؤوليات البيت (وانا وحده منهم كان في بيت اهلي شغالتين وبس تزوجت توهقت ما عرفت وش ابي اسوي حتى الطبخ ما اعرف وشلون اطبخ جزاه الله خير زوجي تحمل وساعدني والحمد لله الحين الكل معجب في طبخي والي الحين ما عندي شغاله لي 13سنه متزوجه)
اما الي بقوله المفروض الام تحمل بنتها مسؤوليات اغراضها من غسيل ترتيب تزين غرفتهاز اغراضها
مره في الاسبوع تخليها تطبخ -تغسل المواعين-تنظف البيت وتمسح الغبار وتكنس المجالس ووووالمهم تتعلم عشان للمنها راحت لبيت زوجها تحس بثقه وما تخاف وتتوهق وتبداء مشاكلها مع زوجها
لان الرجال
ما تهمه ان كانت جميله ومتزينه ولابسه اروع الملابسه لمنه كان يبي ياكل
ولا يهمه منكيرها واكسسواراتها وعطورها لمنه جا تعبان بيستريح ولقى فراشه موب مرتب
ولا نظيف
كل ما كانت كامل بكل امورها الانثويه من جمال ودلال وسنع وذرابه كل ما تعلق فيها وشافها اروع البنات وهي حكمه الاول عليها بيستمر معه الي اخر العمر
يعني لو شافها مرة سنعه رائعه ربة بيت ممتازه يبي يستمر يطالعها بنفس النظره طول عمره ومستحيل يقول عليها اي شي موب زين قدام احد لانها كامله بنظره
ولو شافها كسوله خامله ما تعرف تدبر امور بيتها في اول زواجهم بيتم يطالعها كذا طول عمرها حتى لو تسنعت بعدين خلاص هو من الاول شافها كذا
اتمنى اخواتي في الله انكم تهتموا بهذي النقطه وتبدائوا تعودوا بناتكم على على معرفت وتحمل مسؤوليات البيت
في وحده تقول انها تروح بيت اهلها يومين في الشهر عشان تعود بنتها تتحمل مسؤوليه البيت وهي موب عندها
وثانيه تقول انها تخلي بنتها تتحمل مسؤوليه الطبخ وغسيل المواعين مره بالاسبوع وهي عندها 3بنات كل يوم وحده عندها شغاله لكنها تبي بناتها يعتمدنا على انفسهم
اتمنى ان يكون موضوعي عجبكم واتمنى انكم تستفيدوا من موضوعي وشكرا لكم
نيمار @nymar
عضوة فعالة
يلزم عليك تسجيل الدخول أولًا لكتابة تعليق.
مدنيه جديده
•
مشكوره على الموضوع من جد ممتاز انا عن نفسي استفدت منه جزاكي الله خير
كلامك صح ميه بالميه انا امي علمتني من عمري 9 سنوات ادخل المطبخ للاعمال البسيطه الحين عمري في العشرينات اسوي كل شي ببالك من ترتيب وتنظيف وطبخ كللللللللللللل شي يطري ببالك
الصفحة الأخيرة