الي كل من لها خبره في الحمل والولاده

انا مستعجلة حبيبتي لكن ماشاء الله خواتنا بنات حواء ماراح يقصرون ربي يسعدهم ويجزاهم خير
انتظريهم وربي يسهل لك امورك ويقومك بالسلامة والبيبي على احسن حال

في أنتظار أخواتي بنات حواء

شوفي الأكل كلي دايما الأكل المفيد لتنظيف الرحم مثل الرشاد واشربي القرفه دايما وحاولي تحطين وسط اكلك ملعقه صغيره حلبه زينه تشد عظمك وترجعلك قوتك بعد الولاده والمها...

ملابسك لازم تكون فضفاضه ومريحه وفي ملابس مخصصه للرضاع تكون فيها فتحه من جهة الصدر عشان تقدرين ترضعين البيبي والبيبي عطيه حليب ويانسون وبابونج وشاي اخضر وعوديه على منقوع التمر مره بس في اليوم .....

امممم انتي حاولي بعد الجرح تتنقعين بماي دافي وحطي بيتادين (مطهر) وبعد عشرين يوم من الولاده ابدي حطي ملحه ومعمول وهذي اشياء تحصلينها عند العطارين زينه وتشيل المويات من الرحم وتلمه وترجعه مثل ماكان.

حبيبتي كثري من الخضار والفواكه واعتني بنفسك عشان الحليب للبيبي يكون مفيد ولاتغثين نفسك هالفتره وبس ..

ان شاء الله افدتك بالقليل والأخوات ماراح يقصرون بيكملون بعد......

الله يتمم لك على خير يارب.

بالنسبه لك اهم شي الاكل وابعدي عن الجوع
والطفل اعطيه رضعته ونظميها بالاوقات كل ساعتين او حسب الي يقول الدكتور واذا بكى وحسيتي ان فيه مغص اغلي له كمون وينسون واعطيه بعد ما تحلينه بسكر نبات
وانتي اشربي حليب وحلبه العشرين يوم الاولي بس وافطري على خبز بر وسمن واتقهوي قهوه معها تمر معجون بسمنه ورشاد وهذا استمري عليه طول النفاس
واعملي شاي اعشاب مكون من قرفه وكمون وينسون وشمر وزنجبيل وقشر قهوه وحبه سوداء
والخياطه اغسلي بمويه وملح ومره وحطي كريم فيوسيدين ابو اسد الي عليه خط برتقالي واستخدمي مطهر بيتادين للتشطيف واحرصي على تنشيف المنطقه بالمحارم حطي عليها المناديل بشويش لحد ما تحسيها نشفت عشان ما توجعك الخيوط وحطي كسرة مره صغيره في فنجان القهوه واشربيها مرتين في اليوم عن الشمم
انا هذا الي اسويه بنفاسي


وان شاء الله البنات يفيدونا

يله حتى انا ابي استفيد من خبراتكم

اختي يشهد الله اني بعلمك وبسوي كل اللي قلته لك بأذن الله وكله بحكم خبرتي لاني حملت كم مره اهم شي بعد الولاده على طول اشربي حليب حار بحلبه وتمر ونقعي لك مره وكمون واشربي شربه بسيطه كل فتره عن الشمم وانتبهي من العطور واذا رجعتي البيت خلي الشغاله تطبخ لك قشر رمان طبعا"لا تشريه مطحون انتبهي اشريه انتي واغسليه ونشفيه واطحنيه وحطي معه ارطا وملح خشن ومره واذا فتر حطيه بقارورة مويه وحطيه بالحمام وكل ما دخلتي توضي منه بس انتبهي اذا كان الجو حار خليه يوم واحد في الحمام لانه بسرعه يعفن واطبخي خوا جوا في زيت زيتون ةصفيه وامسحي مسحه بسيطه على الفوطه الصحيه وبخصوص الاكل انتبهي من الجوع نهائيا" واكلي اشياء حاره مثل الفلفل والزنجبيل واهم شي الحلبه لا تفارقك وجهزي لك تمره مفروكه برشاد مع قهوتك وخلي فطورك قرص مفروك مع اللهومات اللي تكونين مجهزتها وهي حلبه وماش وفلفل وكمون وشمر مطحونه اما ناعم اومجروش وابتعدي عن الغازيات والبارد واليمون والباميه والملوخيه نهائيا" والبسي سروال طويل وشراب ولفي على راسك لا تخلينه مكشوف ولا تمشين على السراميك وابتعدي عن المكيف والهوا بتحسي بحر مايطاق بس تحملي نصيحه وكل اسبوع تبخري بخوا جوا ومره وكمون ومرميه وتدفي بعدها وبخصوص البيبي انتبهي عليه من المكيف على شن المولود حساس واي براد يجيب له صدر ورضعيه صدرك افيد له واذا ما يشبعه سوي له رضعه اضافيه وسوي له ينسون وكمون وشوي سكر نبات مره في اليوم عن المغص وانتبهي في النوم لا يشرق لان المواليد كثير شرقاتهم بعد الرضاع ارفعيه على كتفك لين يتغرولا تنيمينه جنبك خليه بسريره على شان لا سمح الله يكبس عليك النوم وتغطينه وارجع اقول الجوع دمار حتى بالليل تعشي مرقوق و حطي لك منبه وقومي كلي لك حاجه خفيفه والله اني من حرصي خايفه اني نسيت شي بس ان شاء الله كل شي مضبوط والله يهون علي وعليك ويسلم اجنتنا ويزينا في عيون بعولتنا اسفه على الاطاله بس حسيت كني اكلم اختي